هــــه‌واڵ عــیراق
مووشه‌كه‌يل ئيرانى وه‌ ئاسمان عراقه‌و داعش له‌ سوريا گرتنه‌ ئامانج

مووشه‌كه‌يل ئيرانى وه‌ ئاسمان عراقه‌و داعش له‌ سوريا گرتنه‌ ئامانج


شه‌فه‌ق نيوز/ عه‌ميد ئه‌مير عه‌لى حاجى زاده‌ سه‌ركرده‌ێ هيز ئاسمانى سه‌ر وه‌ پاسه‌وان شووڕش ئيرانى، جه‌خت له‌ سه‌ركه‌فتن په‌لاماره‌يل مووشه‌كێ كرد ئه‌را بان باره‌گاێ ترۆريسته‌يل له‌ دير ئه‌لزور و وت: با دوشمنه‌يلمان بزانن ك جواومان مووشه‌كه‌ ئه‌را ته‌قينه‌وه‌ێ ته‌كفيريه‌يل.

 

وه‌ گووره‌ێ به‌ياننامه‌ێ پاسه‌وان شووڕش، ئى په‌لاماره‌ به‌ش كه‌ميگه‌ ئه‌را جواودانه‌وه‌ێ ئه‌و كرده‌وه‌يل سه‌ربازيه‌ ك له‌ رووژ 7 حزه‌يران روێدا له‌ ته‌هران.

 

جى باسه‌، وه‌ گووره‌ێ زانيارى يه‌يش ده‌ركه‌فت ك 6 مووشه‌ك ئه‌رز - ئه‌رز له‌ ئيرانه‌و وه‌ ئاسمان عراقه‌و باره‌گاى ترۆريسته‌يل له‌ دير ئه‌لزور وه‌ دقه‌ت گرته‌سه‌ ئامانج.