هــــه‌واڵ عــیراق
مافه‌يل ئاده‌ميزاد نگه‌رانه‌ له‌ به‌رزه‌وبوين تون وتيژى ده‌رهه‌ق وه‌ خوه‌ندكاره‌يل

مافه‌يل ئاده‌ميزاد نگه‌رانه‌ له‌ به‌رزه‌وبوين تون وتيژى ده‌رهه‌ق وه‌ خوه‌ندكاره‌يل


شه‌فه‌ق نيوز/ كومسيۆن باڵاى مافه‌يل ئاده‌ميزاد له‌ عراق، نگه‌رانه‌ له‌ به‌رزه‌وبوين تون وتيژى په‌روه‌رده‌يى له‌ خوه‌ندنگايه‌يل وه‌ل سه‌ره‌تاى خوه‌نين ساڵ تازه‌.

 

ئه‌نه‌س ئه‌كره‌م وه‌رپرس دوسيه‌ى په‌روه‌رده‌يى و زانستى له‌ كۆمه‌سيۆنه‌گه‌ له‌ به‌ياننامه‌يگ ئه‌را شه‌فه‌ق نيوز وت: به‌رزه‌وبوين شيواز دياره‌ده‌ى ره‌فتار دوشمنكارانه‌ى سه‌خت مامۆستايه‌يل و مودڕسه‌يل له‌ خوه‌ندنگايه‌يل عراقى ئاماژه‌يگه‌ ترسناك و له‌يوا ئه‌كا خوه‌ندكاره‌يل روێ له‌ خوه‌نين نه‌كه‌ن و ريژه‌ى نه‌فامى له‌ عراق زيايه‌و ئه‌كاو هه‌ڕه‌شه‌ له‌ يه‌كگرتگى كۆمه‌ڵگاى عراقى ئه‌كا.

 

جى باسه‌، ئه‌كره‌م جه‌ختيش له‌وه‌ كرد له‌ روێداگ خوه‌ندنگاى ئه‌لحكمه‌ى سه‌ره‌تاى له‌ به‌غدا دويه‌تيگ خوه‌ندنكار وه‌ناو ريماس ئه‌لجه‌نابى له‌تى بويه‌سه‌‌ قوربانى و باسيش له‌ روێداگيگ تر ئه‌كريه‌ێد له‌ پاريزگاى زيقار، ك يه‌يش مه‌ترسى ئه‌را زيايبوين ئى دياره‌ زياتره‌و ئه‌كا له‌ باقى خوه‌ندنگايه‌يل تر عراقى.