هــــه‌واڵ عــیراق
كۆنگرس خوازياره‌ سزاى په‌يوه‌س وه‌ ترۆر بخاده‌ بان سێ فه‌سيل له‌ حه‌شد شه‌عبى

كۆنگرس خوازياره‌ سزاى په‌يوه‌س وه‌ ترۆر بخاده‌ بان سێ فه‌سيل له‌ حه‌شد شه‌عبى


شه‌فه‌ق نيوز/ كۆنگرس ئه‌مريكى هه‌وڵ خستنه‌ڕوى پرووژه‌ ياسايگ ئه‌ياد له‌تى سزاى په‌يوه‌سه‌ وه‌ ترۆر بخاده‌ بان هه‌ر يه‌ك له‌ عه‌سايب ئه‌هلولهه‌ق و بزووتنه‌وه‌ى نوجه‌با و كه‌تيبه‌يل حزبوڵڵا ك ميليشيايه‌يل سه‌ر وه‌ حه‌شد شه‌عبيين.

 

ماڵپه‌ڕ كۆنگرس له‌ به‌ياننامه‌يگ وت: ئى پروژه‌ ياسا دانرياگه‌ ئه‌را چه‌سپانن سزايه‌يل په‌يوه‌س وه‌ ترۆر دژ ئه‌و هه‌رسێ فه‌سيله‌يل عراقيه‌ ئه‌را ئه‌وه‌گ بخريه‌ێده‌ وه‌رده‌م كۆنگرس له‌وه‌ر تاوتويكردنى له‌ دانيشتنه‌يل ئاينده‌ى له‌ 2017 – 2018.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ك كۆنگرس پرووژه‌يگ له‌ هه‌ردوگ ئه‌ندام ترينت فرانكس و براد شيرمان وه‌رگرتگه‌ ئه‌را چه‌سپانن سزاى ترۆر له‌بان عه‌سايب ئه‌هلولهه‌ق و حزبوڵلاى عراقى و بزووتنه‌وه‌ى ئه‌لنوجه‌با.