هــــه‌واڵ عــیراق
"دارايى" ره‌خنه‌ له‌ دو وه‌زاره‌ت ئه‌گرێد و باسيش له‌ به‌ش بودجه‌ێ كوردستان كرد

"دارايى" ره‌خنه‌ له‌ دو وه‌زاره‌ت ئه‌گرێد و باسيش له‌ به‌ش بودجه‌ێ كوردستان كرد


شه‌فه‌ق نيوز/ هۆشيار عه‌بدوڵڵا ئه‌ندام ليژنه‌ى دارايى نوێنه‌رايه‌تى، ره‌خنه‌ له‌ نه‌وين ديد راسكانى سترايجى گرت له‌ى هه‌ردوگ وه‌زاره‌ دارايى و نه‌خشه‌كيشان له‌باره‌ى بودجه‌ى دارايى له‌ نه‌وين دياريكردن ئه‌وله‌ويات و نه‌وين چه‌ودێرى شماره‌ى فريه‌ى مه‌ردم و نه‌وين پێوه‌ره‌يليگ ك به‌ش پاريزگايه‌يل ديارێ ئه‌كا.

 

عه‌بدوڵڵا له‌ به‌ياننامه‌يگ وت: هووكار سه‌ره‌كى كارا نه‌وين بودجه‌ و دابه‌ش نه‌كردنى وه‌ دادگه‌رانه‌ له‌بان گشت كه‌رته‌يل ده‌وڵه‌ت و بواره‌يل خواست ئه‌چێده‌و ئه‌را نه‌وين كه‌فائه‌ى هه‌ردوگ وه‌زاره‌ت دارايى و نه‌خشه‌كيشان و ده‌زگايه‌يل سه‌ر وه‌و هه‌ردوگ وه‌زاره‌ته‌ له‌وه‌ر نه‌ياشتن ديديگ ئه‌را چوينێتى دابه‌شكردن داهاته‌يل و خه‌رجكردن پويل ته‌رخانكرياێ له‌ناو پرووژه‌ى بودجه‌ وه‌شيوه‌يگ دادگه‌رانه‌ چ له‌ئاست وه‌زاره‌ته‌يل يا پاريزگايه‌يل، يه‌يش بيجگه‌ ديارى نه‌كردن ئه‌وله‌ويات ئه‌را ساڵ دارايى.

 

عه‌بدوڵڵا هه‌ميش وت: نادێ دابه‌شكردن داهاته‌يل له‌لايه‌ن وه‌زاره‌ت داراييه‌و له‌بان ريككه‌فتن بكريه‌ێد وه‌بى وجوود بنه‌ماى زانستى دوور نسبه‌ى مه‌ردمى و هه‌وه‌جه‌يل، ئه‌را نموونه‌: ئايا هويچ بنه‌يمايگ هه‌س ئه‌را دياريكردن به‌ش ناوچه‌يل ويرانكرياێ له‌ئاكام جه‌نگه‌يل داعش؟ ئايا پێوه‌ريگ هه‌س ئه‌را دياريكردن به‌ش به‌سره‌ يا به‌ش هه‌رێم كوردستان؟