هــــه‌واڵ عــیراق
پاريزگايگ له‌ باشوور عراق ئاو ئه‌را خواردن و كشتوكاڵ نه‌يرن

پاريزگايگ له‌ باشوور عراق ئاو ئه‌را خواردن و كشتوكاڵ نه‌يرن


شه‌فه‌ق نيوز/ زه‌ينه‌ب خه‌زره‌جى ئه‌ندام له‌بان ئئتلاف ده‌وڵه‌ت ياسا، داوا له‌ لايه‌نه‌يل په‌يونديدار كرد ده‌خاڵه‌ت گورج بكه‌ن ئه‌را داناين حه‌ديگ له‌ قه‌يران ئاوه‌يل ك ئه‌ياده‌ تويش پاريزگاى زيفار .

 

خه‌زره‌جى له‌ به‌ياننامه‌يگ ك شه‌فه‌ق نيوز ئاگادارى بوێ وت: ئه‌وه‌گ ئه‌ياده‌ تويش ئى پاريزگا كاره‌سات راسكانييه‌، چوينكه‌ ماقوڵ نيه‌ مه‌سه‌له‌ى كه‌مئاوى بڕه‌سيده‌ ئاستيگ ئاو خواردنيش به‌س نه‌كاو هويچ ده‌خاڵه‌تيگيش راسه‌وخۆ له‌ حكومه‌ت يا وزاره‌ت سه‌رچه‌وه‌يل ئاوى نيه‌ ئه‌را كووتاييهاوردن وه‌ مه‌ينه‌تيه‌يل مه‌ردم.

 

خه‌زره‌جى هه‌ميش وت: كه‌مى ئاو خواردن و نه‌وينى ئه‌را كشتوكاڵى و تويشهاتن زه‌لگاوه‌يل وه‌ قه‌يران كه‌مئاوى گشت ئه‌يانه‌ وسيان راسكانييگ ئه‌خوازن له‌لايه‌ن سه‌رۆك وه‌زيره‌يل و وزير سه‌رچه‌وه‌يل ئاوى ئه‌را قورتاركردن پاريزگاگهو مه‌ردمه‌گه‌ێ‌ له‌ى قه‌يرانه.