ئابوورى
ئاشخانه‌ى توركى له‌ به‌غدا 862 مليۆن دينار قه‌رزاره‌و كه‌يسه‌گه‌ێ ره‌سيه‌ دادگا

ئاشخانه‌ى توركى له‌ به‌غدا 862 مليۆن دينار قه‌رزاره‌و كه‌يسه‌گه‌ێ ره‌سيه‌ دادگا


شه‌فه‌ق نيوز/ ده‌سه‌ى ده‌سپاكى ئاشكراى كرد، ك تيمه‌يله‌ ده‌س كردنه‌سه‌ په‌يجورى له‌باره‌ى كرايه‌كردن باڵه‌خانه‌ى تاوه‌ر ئه‌لته‌حرير(ئاشخانه‌ى توركى)له‌ به‌غداو ده‌ركه‌فتگه‌ ك ئه‌وه‌گ كرايه‌ى كردگه‌ جيوه‌جێ خاڵه‌يل ريككه‌فتنه‌گه‌ نه‌كردگه‌و ئيسه‌يش كه‌يسه‌گه‌ێ ره‌سيه‌ وه‌رده‌م دادگا.

 

ده‌سه‌گه‌ له‌ راپۆرتيگى له‌باره‌ى كار تيمه‌يلى ئه‌نجامى دا، وت: مه‌سه‌له‌ى وه‌كرايه‌ گرتن ئاشخانه‌ى توركى ره‌سيه‌سه‌ وه‌رده‌م دادوه‌ر ئه‌را دقه‌تكردنى و ئه‌و قه‌رزه‌يله‌ ك له‌بانى كه‌ڵه‌كه‌ بوينه‌و نه‌ياسه‌ى، ره‌سيه‌سه ‌(862,000,000) مليۆن دينار، يه‌يش له‌وه‌ختيگ ئه‌و ئاشخانه‌ پيكهاتگه‌ له‌ 14 نهۆم وه‌ روێوه‌ر(3060) م2، ك ماوه‌ى 30 ساڵه‌ كرايه‌ كرياگه‌ وه‌ بڕ 140 مليۆن دينار ساڵانه‌.

 

جى باسه‌، راپۆرته‌گه‌ هه‌ميش وت: وه‌كرايه‌داين ئه‌و باڵه‌خانه‌ وه‌ گووره‌ى ياساى فرووشتن و كرايه‌كردن موڵكه‌يل ده‌وڵه‌ت شماره‌ 32 ساڵ 1986 بويه‌.