هــــه‌واڵ عــیراق
زانياريه‌يل تازه‌يگ له‌بان سپايكه‌ر ده‌ركه‌فت

زانياريه‌يل تازه‌يگ له‌بان سپايكه‌ر ده‌ركه‌فت


شه‌فه‌ق نيوز/ ئه‌مه‌ل عه‌تيه‌ ئه‌ندام ئه‌نجومه‌ن نوێنه‌ره‌يل له‌بان فراكسيۆن به‌در ئاشكراێ ئه‌وه‌ كرد ك چشته‌يل تر تازه‌يگ له‌بان كوشتارگه‌ێ سپايكه‌ر ده‌ركه‌فتگه‌ ك سه‌دان خوه‌ندكار هيزه‌ ئاسمانى له‌تى له‌ تكريت بوينه‌ قوربانى.

 

عه‌تيه‌ له‌ باسيگ وه‌ل(شه‌فه‌ق نيوز)وت: شماره‌ێ قوربانيه‌يل ره‌سيه‌سه‌ 2037 شه‌هيد و ته‌نيا وه‌فاتنامه‌ وه‌ 668 شه‌هيد له‌ليان له‌گشت پاريزگايه‌يل درياگه‌و باقيه‌گه‌يان تائيسه‌ وه‌فاتنامه‌ وه‌ خيزانيان نه‌درياگه‌ ك شماره‌يان 1369 شه‌هيده‌.

 

عه‌تيه‌ وت: شماره‌ێ قوربانيه‌يل سپايكه‌ر له‌ زيقار ره‌سيه‌سه‌ فيشتر له‌ 420 شه‌هيد و شماره‌ێ ئه‌وانه‌گ له‌ليان مووچه‌ێ خانه‌نشينى ره‌سيه‌سه‌ 420 شه‌هيد له‌ناونى ئه‌وانه‌گ مووچه‌ێ خانه‌نشينى وه‌رگرنه‌ ك بڕ 500 هه‌زار دينار بويه‌.

 

جى باسه‌، عه‌تيه‌ داواێ خواست داين بڕ 10 مليۆن ديناره‌گه‌يش كرد ئه‌را خيزان ئه‌و شه‌هيده‌يله‌و ئه‌وانه‌گ بيسه‌روشوون وه‌بى دوياكه‌فتن وه‌ل هه‌ڵه‌په‌ڵه‌كردن ئه‌را حه‌فركردن قه‌ورسانه‌يل وه‌جه‌م ك كوشتن وه‌جه‌م ده‌رهه‌ق رووڵه‌يل ئى وڵاته‌ له‌تيان ئه‌نجام درياگه‌.