هــــه‌واڵ عــیراق
حه‌كيم وه‌ دانيشتن په‌نج لايه‌نى داواى وساننه‌وه‌ى "خوينڕشانن" ئه‌كا

حه‌كيم  وه‌ دانيشتن په‌نج لايه‌نى داواى وساننه‌وه‌ى "خوينڕشانن" ئه‌كا


شه‌فه‌ق نيوز/ عه‌مار حه‌كيم سه‌ركرده‌ى هاوپه‌يمان نيشتمانى داواى دانيشتن سه‌رانيگ كرد ك له‌تى عراق و توركيا و ئيران و مسر و سعوديه‌ بگرێده‌ خوه‌ێ له‌وه‌ر ريكخستنه‌وه‌ى كاره‌يل و وساننه‌وه‌ى خوينڕشانن.

 

حه‌كيم له‌ وته‌يگ وه‌ بوونه‌ى ساڵياد له‌داڵگبوين ئيمامه‌يل له‌ نويسينگه‌ى خوه‌ێ له‌ به‌غدا وت: روێداگ و ئاڵشتكاريه‌يل فريه‌ن و له‌بان ئاست ناوخوه‌يى عراق هه‌وه‌جه‌ وه‌ برياره‌يل سه‌خت و بوێرانه‌و يه‌كلاكه‌ر و پياوه‌يليگ دێرێد وه‌ گووره‌ى وه‌رپرسيارێتى بوون له‌وه‌ر ئه‌وه‌گ عراق بووه‌ن وه‌ره‌و ئه‌مان و سه‌قامگيرى.

 

جى باسه‌، حه‌كيم باسيش له‌ فه‌تواى عه‌لى سيستانى مه‌رجه‌ع باڵاى شيعه‌ى عراقى كرد ئه‌را دژايه‌تى و روى وه‌ڕوى بوينه‌وه‌ى ريكخرياگ ترۆريستى داعش و داوايش له‌ هووكاره‌يل ره‌سانن و توێژه‌ره‌يليش كرد ديد ئنسانى فه‌تواى جيهاد به‌ڵگه‌يى بكه‌ن و له‌ هه‌مان وه‌خت داوايش له‌ سه‌ركردايه‌تيه‌يل ئاسايشى كرد پلانيگ ئاشكرا له‌ وه‌ختيگ دياريكرياگ پيشكه‌ش بكه‌ن ئه‌را له‌ناوبردن ته‌جاوزات ئاسايشى له‌ به‌غداى پايته‌خت و بڕيگ له‌ پاريزگايه‌يل.