هــــه‌واڵ كــوردى
بارزانى ئشاره‌ێ سه‌وز به‌لجيكى ئه‌را چه‌ودێرى راپرسى وه‌رگرت

بارزانى ئشاره‌ێ سه‌وز به‌لجيكى ئه‌را چه‌ودێرى راپرسى وه‌رگرت


شه‌فه‌ق نيوز/ مه‌سعود بارزانى سه‌رۆك هه‌رێم كوردستان ئاشكراێ ئه‌وه‌ كرد ك حكومه‌ت به‌لجيكى ئاماده‌گێ خوه‌ێ ده‌رخستگه‌ له‌باره‌ێ كلكردن چه‌ودێره‌يل ئه‌را ئه‌و راپرسيه‌ ك بڕياره‌ رووژ 25 ئه‌يلوول ئاينده‌ ئه‌نجام بگرێد له‌وه‌ر بريار ماف چاره‌نويس ئه‌را سه‌روه‌خوه‌يى هه‌رێم له‌ عراق.

 

بارزانى دوياێ ديدارى وه‌ل سه‌رۆك هه‌رێم فلاندرز له‌ به‌لجيكا ئه‌را رووژنامه‌نويسه‌يل وت: له‌يراوه‌ په‌ياميگ ئاراسته‌ێ ملله‌ت كوردستان ئه‌كه‌م ئه‌را ئه‌وه‌گ خوه‌يان ئه‌را سه‌روه‌خوه‌يى ئاماده‌ بكه‌ن و رووژ 25 ئه‌يلوول ئاينده‌ بچن وه‌ره‌و سه‌ندووقه‌يل ده‌نگداين ئه‌را ئه‌وه‌گ ده‌نگ بيه‌ن.

 

بارزانى هه‌ميش وت: جه‌نگ له‌بان ريكخرياگ ترۆريستى داعش هيمان ته‌مام نه‌ويه‌و به‌لجيكايش جه‌خت له‌وه‌ كرد ك ئاماده‌س ئه‌را وه‌رده‌وامى پشتگيريكردن سه‌ربازێ له‌ كوردستان.