هــــه‌واڵ عــیراق
ئازادكردن ئه‌وس خه‌فاجى وه‌دروو خرياو ئه‌شره‌تيشێ هه‌ڕه‌شه‌ ئه‌كا

ئازادكردن ئه‌وس خه‌فاجى وه‌دروو خرياو ئه‌شره‌تيشێ هه‌ڕه‌شه‌ ئه‌كا


شه‌فه‌ق نيوز/ سه‌رچه‌وه‌يگ وه‌رپرس ئه‌منى، ئازادكردن ئه‌وس خه‌فاجى سه‌ركرده‌ى ليواى "ئه‌بولفه‌زڵ ئه‌لعه‌باس" له‌ به‌غدا خسته‌ دروو.

 

سه‌رچه‌وه‌گه‌ وت: هه‌واڵ ئازادكردن خه‌فاجى نادروسه‌و هيمان تائيسه‌ ده‌سوه‌سه‌ر كرياگه‌، يه‌يش له‌ وه‌ختيگ ك ماڵپه‌ڕه‌يل ئه‌لكترۆنى ناوچه‌يى و عه‌ره‌بى و لاپه‌ڕه‌يل له‌بان ماڵپه‌ڕه‌يل په‌يوه‌ندى كۆمه‌ڵايه‌تى باس له‌ ئازادكردنى كردن.

 

جى باسه‌، هووز خه‌فاجه‌يش ئاگادار ئه‌ندامه‌يل هووزه‌گه‌ێ كرد خوه‌ينيشانداين ئه‌نجام بيه‌ن له‌ناوڕاس به‌غداى پايته‌خت له‌باره‌ى وه‌رده‌وامى ده‌سوه‌سه‌ركردن ئه‌وس خه‌فاجى و ئه‌و ئاگاداريه‌ ئه‌را گشت رووڵه‌يل ئه‌و هووزه‌ ئاراسته‌ كريا وه‌ل باقى هووزه‌يل تر ره‌سه‌ن و دووسداره‌يل عراق ئه‌را نيشانداين ناڕه‌زايه‌تى له‌بان گرتن كه‌سايه‌تيه‌يل و هه‌ڕه‌شه‌ى ئه‌وه‌يش كرد ك ئه‌گه‌ر له‌ حاڵه‌تيگ رێ و شوون خواست ده‌رهه‌ق ئه‌و هيزه‌ ك ده‌سوه‌سه‌ر خه‌فاجى كردنه‌ له‌وه‌ر نه‌گيريه‌ێد ئه‌وه‌ هووزه‌گه‌ هه‌ڵويست تر يه‌كلاكه‌ر نيشان ئه‌يه‌ن.