هــــه‌واڵ كــوردى
حزبه‌يل ئۆپۆزسيۆن كوردستانى له‌ دياريكردن سه‌رۆك ئه‌را ليسته‌گه‌يان سه‌رنه‌كه‌فتن

حزبه‌يل ئۆپۆزسيۆن كوردستانى له‌ دياريكردن سه‌رۆك ئه‌را ليسته‌گه‌يان سه‌رنه‌كه‌فتن


شه‌فه‌ق نيوز/ سه‌رۆك حزبه‌يل ئۆپۆزسيۆن كوردستانى دانيشتنيگ له‌ شار سلێمانى ساز كردن ئه‌را ناوناين سه‌رۆك ليسته‌ هه‌ڵوژاردنه‌گه‌يان له‌وه‌ر به‌شداريكردن له‌ هه‌ڵوژاردنه‌يل عراقى له‌ ناوچه‌يل كيشه‌ له‌سه‌ر و تواناى دامه‌زرانن هاوپه‌يمانييگ له‌ناونيان ئه‌را هه‌ڵوژاردن له‌ هه‌رێم كوردستان.

 

ئه‌و دانيشتنه‌ وه‌ ئاماده‌بوين عومه‌ر سه‌يد عه‌لى ريكخه‌ر بزووتنه‌وه‌ى گۆڕان و عه‌لى باپير مير كۆمه‌ڵ ئسلامى و به‌رهه‌م ساڵح سه‌رۆك ليست هاوپه‌يمانى ديموكراسى و دادپه‌روه‌رى ئه‌نجام دريا، ك له‌تى ئاماده‌بويه‌يل جه‌لال عومه‌ر سام ئاغا سياسه‌تمه‌دار كورد سه‌روه‌خوه‌ى و سه‌رۆك وه‌رين ديوان چه‌وديرێ دارايى له‌ هه‌رێم كوردستان ئه‌را سه‌رۆكايه‌تى فراكسيۆنه‌گه‌يان له‌وه‌ر به‌شدارى له‌ هه‌ڵوژاردنه‌يل له‌ ناوچه‌يل كيشه‌ له‌سه‌ر ديارێ كردن، وه‌لێ سام ئاغا هه‌ڵوژاننى ره‌ته‌و كردگه‌.

 

جى باسه‌، سام ئاغا له‌ى باوه‌ته‌و دوياى ئه‌و دانيشتنه‌ ئه‌را رووژنامه‌نويسه‌يل وت: ناچمه‌ ناو هويچ ليستيگ هه‌ڵوژاردن ئه‌را به‌شدارى له‌ هه‌ڵوژاردنه‌يل عراقى يا كوردستانى.