هــــه‌واڵ كــوردى
ئداره‌ێ مه‌نه‌لى له‌باره‌ێ وه‌ئامانج گرتن باره‌گايه‌يل كورد وه‌ بوونه‌ێ راپرسێ ئاشكراكردنيگ دا

ئداره‌ێ مه‌نه‌لى له‌باره‌ێ وه‌ئامانج گرتن باره‌گايه‌يل كورد وه‌ بوونه‌ێ راپرسێ ئاشكراكردنيگ دا


شه‌فه‌ق نيوز/ ئداره‌ێ ناحيه‌ێ مه‌نه‌لى له‌ خوه‌رهه‌ڵات دياله‌، ئه‌و هه‌واڵه‌يله‌ خسته‌ دروو ك باس له‌ به‌سانن و وه‌ئامانج گرتن باره‌گايه‌يل سه‌ر وه‌ حزبه‌يل كوردستانى كرديان له‌ شاره‌گه‌و وت: بارودوخه‌گه‌ ئاساييه‌و هويش كيشمه‌كيشيگ نيه‌ هه‌ڕه‌شه‌ له‌ ژيان كۆمه‌ڵايه‌تى له‌ ناحيه‌گه‌ بكا له‌ ئاكام مه‌سه‌له‌ێ به‌شداريكردن مه‌نه‌لى له‌ راپرسێ سه‌روه‌خوه‌يى.

 

له‌ى باوه‌ته‌و، ئازاد حه‌ميد شه‌فى سه‌رۆك ئه‌نجومه‌ن مه‌نه‌لى و سه‌ركرده‌ له‌ پارت ديموكرات كوردستان له‌ لێدوانيگ تايبه‌ت ئه‌را(شه‌فه‌ق نيوز)وت: بارودوخ ئاسايشى و كۆمه‌ڵايه‌تى له‌ مه‌نه‌لى ئاساييه‌و هويچ ده‌سدريژييگ يا ته‌جاوزيگيش ئه‌را بان باره‌گايه‌يل كورد نه‌كرياگه‌.

 

جى باسه‌، شه‌فى وشدارييش دا له‌و هه‌ڵمه‌ته‌يله‌ ك شيرازه‌ێ كۆمه‌ڵايه‌تى مه‌نه‌لى بگرێده‌ ئامانج و بدێده‌ هووكار ئاشوو وه‌ ئه‌وه‌گ ئه‌و كه‌سه‌يله‌ هويچ شوونيگ له‌ ناحيه‌گه‌ نه‌يرن ئه‌گه‌ر ئاژاوه‌ دروس بكه‌ن.