هــــه‌واڵ عــیراق
عراق به‌ڵگه‌ له‌بان په‌لاماره‌يل چه‌ك كيمياوى له‌ موسڵ نه‌يرێد

عراق به‌ڵگه‌ له‌بان په‌لاماره‌يل چه‌ك كيمياوى له‌ موسڵ نه‌يرێد


شه‌فه‌ق نيوز/ محه‌مه‌د عه‌لى ئه‌لحه‌كيم باڵوێز عراقى له‌ نه‌ته‌وه‌يل يه‌كگرتگ، ئه‌وه‌ ده‌رخست ك هويچ به‌ڵگه‌يگ له‌بان ئه‌وه‌ نيه‌ ك ريكخرياگ ترۆريستى داعش چه‌ك كيمياوى هاوردوێده‌ كار له‌ موسڵ.

 

ئه‌لحه‌كيم باس له‌وه‌يش كرد ك له‌ى باره‌وه‌ قسه‌ وه‌ل وه‌رپرسه‌يل له‌ به‌غدا كردگه‌و هويچ به‌ڵگه‌و ده‌ليليگ نيه‌ له‌بان ئه‌وه‌گ ريكخرياگ ترۆريستى داعش چه‌ك كيمياوى هاوردوێده‌ كار له‌ موسڵ.

 

جى باسه‌، شه‌ممه‌ى گوزه‌يشت نه‌ته‌وه‌يل يه‌كگرتگ باس له‌وه‌ كرد ك 12 كه‌س له‌ناونيانيش ژن و مناڵ چاره‌سه‌ر ئه‌رايان ئه‌كريه‌ێد ك شايه‌ت تويش په‌لاماره‌يل چه‌ك كيمياوى هاتنه‌ له‌ موسڵ له‌ يه‌ك ئادار.