هــــه‌واڵ عــیراق
ئاگر ته‌ممووز هه‌ڕه‌شه‌ له حكومه‌ت عراقى ئه‌كا

ئاگر ته‌ممووز هه‌ڕه‌شه‌ له حكومه‌ت عراقى ئه‌كا


شه‌فه‌ق نيوز/ حكومه‌ت عراقى خوه‌ى وه‌ ته‌نيا دوينێد له‌وه‌رده‌م تويڕه‌يى ملله‌ته‌گه‌ى گشت ساڵيگ له‌ مانگ ته‌مووز، ك پله‌ى گه‌رمى وه‌شيوه‌يگ جيا به‌رزه‌و ئه‌دێ تا شاره‌يل عراقى له‌ سه‌ره‌تاى ئه‌و شاره‌يله‌ بوون ك پله‌ى گه‌رمايان به‌رزه‌ له‌ جه‌هان، وه‌ل ئه‌وه‌يشا كه‌مى له‌ دابينكردنن وزه‌ى كاره‌با وه‌رده‌وامه‌و له‌بان ئه‌وه‌يشه‌و له‌يوا له‌ ده‌سڵاته‌يل ئيرانى كردگه‌ ده‌سميه‌ت كاره‌بايى بووڕن ك فرووشتيانه‌ى عراق.

 

له‌ى باوه‌ته‌و، جوور ئه‌وه‌گ كه‌سه‌يل نزيك له‌ حكومه‌ت عراقيه‌و باس ئه‌كه‌ن، حكومه‌ت ئحساس وه‌ رويگيرى ئه‌كا وه‌ بوونه‌ى ريككه‌فت قه‌يران كاره‌با وه‌ل به‌رزه‌وبوين پله‌ى گه‌رمى له‌وه‌ختيگ ك كيشمه‌كيش سياسى تونه‌و بويه‌و گشت هووكاره‌يليگ ئه‌يه‌ريه‌ێده‌ كار ئه‌را نه‌هيشتن سه‌رۆك حكومه‌ت و تيمه‌گه‌ى و باڵناينى وه‌ره‌و دوباره‌ نه‌كرنه‌وه‌ى ولايه‌ته‌گه‌ى.

 

جى باسه‌، هه‌مان بارودوخ له‌ساڵ 2015 روێداو له‌ساڵ 2016يش له‌يوا رووژه‌يليگ ره‌سيه‌ ئه‌وه‌ مه‌ردم بچنه‌ ناو باره‌گايه‌يل حكومى و هه‌ڕه‌شه‌ى رمانن حكومه‌ت كرديان.