هــــه‌واڵ عــیراق
په‌رله‌مانتاريگ باس له‌ خاڵ ئاڵشتكارى ناونى به‌غدا و هه‌ولێر ئه‌كا

په‌رله‌مانتاريگ باس له‌ خاڵ ئاڵشتكارى ناونى به‌غدا و هه‌ولێر ئه‌كا


شه‌فه‌ق نيوز/ رێزان شێخ دلێر ئه‌ندام ئه‌نجومه‌ن نوێنه‌ره‌يل له‌بان فراكسيۆن يه‌كێتى نيشتمانى كوردستان، سه‌ردانه‌گه‌ێ سه‌ليم جبورى سه‌رۆك په‌رله‌مان عراقى ئه‌را هه‌ولێر وه‌ خاڵيگ ئاڵشتكارى خاسيگ تاريف كرد له‌ په‌يوه‌ندى ناونى حكومه‌ت ناوه‌ند و هه‌رێم كوردستان.

 

شێخ دلێر له‌ لێدوانيگ رووژنامه‌گه‌رى ئه‌را(شه‌فه‌ق نيوز)وت: سه‌رۆك ئه‌نجومه‌ن نوێنه‌ره‌يل له‌ سه‌ردانه‌گه‌ێ ئه‌را لاى مه‌سعود بارزانى سه‌رۆك هه‌رێم كوردستان هه‌وڵ نه‌رمه‌وكردن په‌يوه‌ندى ناونى ناوه‌ند و هه‌رێم دا دوياى ئه‌وه‌گ گرژى فريه‌يگ كه‌فته‌و له‌ئاكام راپرسى.

 

جى باسه‌، شێخ دلێر ئاماژه‌ وه‌يه‌يش كرد ك ئه‌و سه‌ردان جبوريه‌ ئه‌را هه‌ولێر له‌ گرژى و سه‌ختى په‌يوه‌نديه‌يل ناونى حكومه‌ت ناوه‌ندى و حكومه‌ت هه‌رێم كه‌مه‌و كردگه‌ و داوايش له‌ سه‌ركرده‌يل تر سياسى له‌ به‌غدا كرد وه‌ هه‌مان شيوه‌ سه‌ردان هه‌رێم بكه‌ن ئه‌را هاوردنه‌وه‌ى په‌يوه‌ندى سروشتى و نواگيرى له‌ هه‌ر ڕى وشوونيگ ك ئامانجى زيايكردن ناكووكيه‌يل بدێ.