هــــه‌واڵ كــوردى
په‌مپيۆ: تره‌مپ زه‌مانه‌ت له‌ ئه‌ردۆغان وه‌رگرتگه‌ ئه‌را مقه‌يه‌تى له‌ كورد

په‌مپيۆ: تره‌مپ زه‌مانه‌ت له‌ ئه‌ردۆغان وه‌رگرتگه‌ ئه‌را مقه‌يه‌تى له‌ كورد


شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكا، وه‌رجه‌ وه‌ڕيكه‌فتنى له‌ واشنتۆن ئه‌را گه‌شته‌ عه‌ربيه‌گه‌، وت: توركيا قه‌وڵ مقه‌يه‌تيكردن جه‌نگاوه‌ره‌يل كورد داگه‌ له‌ سوريا دوياى خوه‌يكيشاننه‌وه‌ى هيزه‌يل ئه‌مريكه‌ له‌و وڵاته‌.

 

له‌ى باوه‌ته‌و، فرانس پرێس وت: په‌مپيۆ وتگه‌ ئى زه‌مانه‌ته‌ دۆناڵد تره‌مپ سه‌رۆك ئه‌مريكا له‌ ره‌جه‌ب ته‌يب ئه‌ردۆغان شه‌خسى وه‌ريگرتگه‌، ك هه‌رچه‌نى سه‌رۆك توركيا هه‌ڕه‌شه‌ى له‌ناوبردن ته‌واو چه‌كداره‌يل كورد كرد له‌ باكوور سورياو ئه‌نقه‌ره‌ وه‌ تيرۆر ناويان برد.

 

په‌مپيۆ يه‌يش ده‌رخست ك ئه‌ردۆغان قه‌وڵ وه‌ تره‌مپ داگه‌ ك توركه‌يل هه‌ڵمه‌تيان وه‌رده‌وامه‌ له‌ دژ ريكخرياگ تيرۆريستى داعش دوياى ده‌رچگن هيزه‌يل ئه‌مريكى و قه‌وڵ مقه‌يه‌تيكردن له‌ كورده‌يل سوريايش داگه‌.

 

جى باسه‌، په‌مپيۆ وه‌ل سوزان هاوسه‌رى له‌ بنگه‌ى ئه‌ندرۆز ئاسمانيه‌و له‌ واشنتۆن كه‌فتنه‌ڕێ وه‌ره‌و خوه‌رهه‌ڵات ناوين له‌ گه‌شتيگ ئه‌را هه‌يشت ده‌وڵه‌ت عه‌ره‌بى له‌وه‌ر ئه‌نجامداين گفتگوو له‌باره‌ى دوسيه‌يل تايبه‌ت وه‌ يه‌مه‌ن و سوريا و ئيران.