هــــه‌واڵ عــیراق
بانك رافده‌ين داوا له‌ خانه‌نشينه‌يل ئه‌كا مووچه‌يليان له‌ى شوونه‌ وه‌ربگرن

بانك رافده‌ين داوا له‌ خانه‌نشينه‌يل ئه‌كا مووچه‌يليان له‌ى شوونه‌ وه‌ربگرن


شه‌فه‌ق نيوز/ بانك رافده‌ين داوا له‌ خانه‌نشينه‌يل كرد مووچه‌يليان خانه‌نشينييان له‌ لقه‌يلێ له‌ به‌غداو پاريزگايه‌يل وه‌ربگرن.

 

له‌ى باوه‌ته‌و، نويسينگه‌ێ ره‌سانن بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: بايه‌سه‌ له‌بان ئه‌و خانه‌نشينه‌يله‌ ك مووچه‌يل مانگانه‌يان وه‌رئه‌گرن سه‌ردان لقه‌يل بانكه‌گه‌ بكه‌ن ك خزمه‌تگوزارى خاسيگ ئه‌را داين مووچه‌يليان ده‌سه‌وه‌ر كردگه‌.

 

جى باسه‌، بانك رافده‌ين هه‌ميش وت: ئه‌و شوونه‌يليشه‌ ك مووچه‌يليان له‌لێ وه‌رگرتيان بڕه‌ پويليگ له‌لێان ئه‌وڕێد له‌ وه‌رانوه‌ر داين مووچه‌يليان و هه‌ر وه‌و خاتريشه‌ خاستر ئه‌وه‌سه‌ سه‌ردان لقه‌يل بانكه‌گه‌ بكه‌ن تا ئه‌و بڕه‌ پويليشه‌ له‌ليان وه‌رنه‌گيريه‌ێد.