هــــه‌واڵ كــوردى
هه‌رێم فلاندرز به‌لجيكى پشگيرى راپرسى هه‌رێم كوردستان ئه‌كا

هه‌رێم فلاندرز به‌لجيكى پشگيرى راپرسى هه‌رێم كوردستان ئه‌كا


شه‌فه‌ق نيوز/ كيرت بوركيس سه‌رۆك هه‌رێم فلاندرز له‌ به‌لجيكا ئاشكراێ پشتگيرى خوه‌ێ كرد له‌ ئه‌نجامداين راپرسى سه‌روه‌خوه‌يى هه‌رێم كوردستان له‌ عراق.

 

بوركيس له‌ دوياێ ديدارى وه‌ل مه‌سعود بارزانى سه‌رۆك هه‌رێم كوردستان و شانده‌ ياوه‌ره‌گه‌ێ له‌ برۆكسل ئه‌را رووژنامه‌نويسه‌يل وت: بيگومان پشتگيرى راپرسى له‌ هه‌رێم كوردستان ئه‌كه‌يم و پشتگيرى هه‌ر مه‌ردمانيگيش ئه‌كه‌يم له‌بان ئى زه‌ويه‌ ك ئه‌خوازێد بريار چاره‌نويسى بيه‌ێد.

 

جى باسه‌، بوركيس هه‌ميش وت: سه‌رۆك بارزانى ئاگادارمان كردگه‌ ك رووژ 25 ئه‌يلوول ئاينده‌ راپرسى له‌ هه‌رێم ئه‌نجام ئه‌دريه‌ێد و ئيمه‌يش له‌لايه‌ن خوه‌مانه‌و جه‌خت له‌وه‌ ئه‌كه‌يم ك ريز له ئيراده‌ێ ملله‌ت كوردستان ئه‌گرێم و كوردستانيش ناوچه‌يگ گرينگه‌ ئه‌رامان و خوه‌شاڵێم ئه‌را ئى په‌ره‌سه‌ندنه‌ له‌ كوردستان و ريزناينه‌ له‌ ماف كه‌مينه‌يل و ئوميده‌واريم هه‌رێم كوردستان فيشتر پيشبكه‌فێد.