هــــه‌واڵ عــیراق
فه‌تواده‌ر شه‌رعى داعش و دو سه‌ركرده‌ى تر له‌ موسڵ كوشيان

فه‌تواده‌ر شه‌رعى داعش و دو سه‌ركرده‌ى تر له‌ موسڵ كوشيان


شه‌فه‌ق نيوز/ ده‌زگاى دژه‌ ترۆر سه‌ر وه‌ ئه‌نجومه‌ن ئاسايش له‌ هه‌رێم كوردستان ئاشكراى كوشيان 3 سه‌ركرده‌ له‌ ريكخرياگ داعش كرد و له‌ناونيان فه‌تواده‌ر شه‌رعى ئه‌و ريكخرياگه‌ له‌ئاكام په‌لاماريگ ئاسمانى ته‌ياره‌يل هاوپه‌يمان ناوده‌وڵه‌تى له‌ ديم راس موسڵ.

 

ده‌زگاى دژه‌ ترۆر له‌ به‌ياننامه‌يگ ئه‌را(شه‌فه‌ق نيوز)وت: له‌ سه‌عات 9 ئيواره‌ى دويه‌كه‌ ته‌ياره‌يل هاوپه‌يمان ناوده‌وڵه‌تى په‌لامار حه‌يولرفاعى دانه‌ له‌ ديم راس شار موسڵ و بنگه‌يگ داعش گرتنه‌سه‌ ئامانج.

 

به‌ياننامه‌گه‌ يه‌يش ده‌رخست ك له‌و په‌لاماره‌ "عه‌بدوڵڵا ئه‌لبه‌درانى" ناسرياگ وه‌ "ئه‌بو ئه‌يوب ئه‌لعه‌تار " فه‌تواده‌ر شه‌رعى ريكخرياگ داعش كوشياگه‌ وه‌ل " عه‌بدولڕه‌حمان تالب" ناسرياگ وه‌ "ئه‌بو عوبه‌يده‌" وه‌رپرس ديوان ئه‌لجوند له‌و ريكخرياگه‌و "ئبراهيم ئه‌لحه‌يالى" ناسرياگ وه‌ "ئه‌بو بارق" وه‌رپرس ئاسايشى ريكخرياگه‌گه‌ له‌ حه‌يولڕفاعى.