هــــه‌واڵ عــیراق
تيلرسۆن په‌يوه‌ندێ ته‌له‌فۆنێ كرده‌ عبادێ

تيلرسۆن په‌يوه‌ندێ ته‌له‌فۆنێ كرده‌ عبادێ


شه‌فه‌ق نيوز/ حه‌يده‌ر عبادى سه‌رۆك ئه‌نجومه‌ن وه‌زيره‌يل په‌يوه‌ندييگ له‌ ريكس تيلرسۆن وه‌زير خارجيه‌ێ ئه‌مريكى وه‌پى ره‌سێ و له‌تى دوباره‌ موباره‌كبايى له‌ سه‌ركه‌فتن هيزه‌يل عراقىكرد له‌ جه‌نگ موسڵ و تاريف له‌ دانايى سه‌ركردايه‌تى و ئاست ريكخستن به‌رز كرد له‌ جه‌نگ.

 

نويسينگه‌ێ عبادێ له‌ به‌ياننامه‌يگ ئه‌را(شه‌فه‌ق نيوز)وت: وه‌زير خارجيه‌ێ ئه‌مريكى باس له‌ وه‌رده‌وامێ پشتگيرى هه‌وڵه‌يل عراقيش كردگه‌ له‌ قوناغ دوياێ داعش وه‌ل هه‌ڵويست وڵاته‌يل يه‌كگرتگ و مقه‌يه‌تيكردنى له‌ يه‌كێتى عراق و حورمه‌تناين له‌ ده‌ستووره‌گه‌ێ.

 

جى باسه‌، له‌لايه‌ن خوه‌ييشه‌و حه‌يده‌ر عبادێ سه‌رۆك وه‌زيره‌يل جه‌خت له‌ ته‌مامبوين ئازادكردن گشت خاكه‌يل ئه‌و شاره‌ كرد وه‌ل هاتنه‌وه‌ێ سه‌قامگيرى ئه‌را ناوچه‌يل ئازادكرياێ و دابينكردن خزمه‌تگوزارى ئه‌رايان.