هــــه‌واڵ كــوردى
كوردستان له‌ هه‌فته‌ى له‌دايگبوين و سه‌رساڵ پيشوازێ له‌ 136 هه‌زار گه‌شتيار كرد

كوردستان له‌ هه‌فته‌ى له‌دايگبوين و سه‌رساڵ پيشوازێ له‌ 136 هه‌زار گه‌شتيار كرد


شه‌فه‌ق نيوز/ ده‌سه‌ى گشتى ئه‌را گه‌شتيارێ له‌ هه‌رێم كوردستان، ئاشكراى ئه‌وه‌ كرد هه‌رێم له‌ماوه‌ى هه‌فته‌يگ پيشوازى له‌ زياتر له‌ 136 هه‌زار گه‌شتيار كردگه‌ له‌ ئاهه‌نگه‌يل سه‌رساڵ زايينى و وه‌رزشكارى خزيان له‌بان وه‌فر له‌ ناوچه‌يل جه‌وه‌ڵێ.

 

له‌ى باوه‌ته‌و، نادر رۆستى قسه‌كه‌ر وه‌ناو ده‌سه‌ێ گشتى ئه‌را گه‌شتيارى وت: وه‌ ئامانج وه‌سه‌ربردن پشوو و به‌شداريكردن له‌ ئاهه‌نگه‌يل سه‌رساڵ زايينى و وه‌رزشگارى له‌ ناوچه‌يل يه‌خيين جه‌وه‌ڵێ له‌ 25 كانون يه‌كه‌م گوزيشت تا شه‌و 31 له‌ هه‌مان مانگ زياتر له‌ 136 هه‌زار گه‌شتيار هاتنه‌ وه‌ره‌و هه‌رێم كوردستان.

 

روستى وت: وه‌ به‌راورد وه‌ل هه‌مان وه‌خت له‌ساڵ گوزه‌يشت، ريژه‌ى گه‌شتياره‌يل زياتر بويه‌ وه‌ 152%، ك شماره‌ى گه‌شتياره‌يل ساڵ گوزه‌يشت نزيكه‌ى 52 هه‌زار بويه‌، ك ئمساڵ به‌ش فريه‌ى گه‌شتياره‌يل له‌ باشوور و ناوڕاس عراق بوينه‌.