هــــه‌واڵ عــیراق
سياسييگ عراقى: ئه‌مريكا ئاگادار لايه‌نه‌يليگ كردگه‌ ته‌نيا عه‌بادى ئه‌خوازێد

سياسييگ عراقى: ئه‌مريكا ئاگادار لايه‌نه‌يليگ كردگه‌ ته‌نيا عه‌بادى ئه‌خوازێد


شه‌فه‌ق نيوز/ سياسييگ ئاگادار عراقى، باس له‌وه‌ كرد ك وڵاته‌يل يه‌كگرتگ ئه‌مريكى لايه‌نه‌يليگ گرنگ عراقى ئاگادار كردگه‌ له‌وه‌گ ته‌نيا بژارده‌ى ئه‌را سه‌رۆكايه‌تى حكومه‌ت حه‌يده‌ر عه‌بادى سه‌رۆك ئه‌نجومه‌ن وه‌زيره‌يله‌.

 

ئه‌و سه‌رچه‌وه‌ ك نه‌تواس ناوى ئاشكرا بدێ، وت: بريگ له‌ په‌يامه‌يل ئه‌مريكى مينڕيژكرياگه‌و زووان وشدارى وه‌پيانه‌و دياره‌ له‌باره‌ى مكوڕبوين بڕيگ له‌ لايه‌ن و فراكسيۆنه‌يل يا كه‌سايه‌تيه‌يل له‌بان كانديدكردن كه‌سه‌يل تر ناقه‌بولكرياێ له‌لايه‌ن ئه‌مريكياوه‌و دويريش نيه‌ سزا بدريه‌ن جوور هيز يا كه‌سه‌يليگ سياسى.

 

سه‌رچه‌وه‌گه‌ هه‌ميش وت: ئى مه‌سه‌له‌يشه‌ تا راده‌يگ په‌يوه‌سه‌ وه‌ په‌ره‌سه‌ندن كيشمه‌كيش ناونى ئه‌مريكاو ئيران و به‌رزه‌وبوين سزايه‌يل له‌بان ئيران، يه‌يش له‌وه‌ختيگ عراقيه‌يل كه‌سه‌يل تر بيجگه‌ عه‌بادى كانديد كردنه‌ ئه‌را سه‌رۆكايه‌تى وه‌زيره‌ه‌يل و له‌وانه‌يش هادى عامرى سه‌ركرده‌ى فه‌تح.