هــــه‌واڵ عــیراق
ئه‌نداميگ ئاشكراى واده‌ى كاركردن وه‌ بودجه‌ كرد

ئه‌نداميگ ئاشكراى واده‌ى كاركردن وه‌ بودجه‌ كرد


شه‌فه‌ق نيوز/ مه‌نسور بعێجى ئه‌ندام له‌بان ئئتلاف ده‌وڵه‌ت ياسا، تومه‌بار فوئاد مه‌عسوم سه‌رۆك كۆمار كرد وه‌ لايه‌نگرتن رووڵه‌يل كورد له‌ڕێ په‌سه‌ن نه‌كردن بودجه‌ى گشتى ئمساڵ وڵاته‌گه‌و ئى مه‌سه‌له‌يشه‌  وه‌ قه‌بول نه‌كرياێ تاريف كرد.

 

بعێجى له‌ به‌ياننامه‌يگ ئه‌را شه‌فه‌ق نيوز، وت: ده‌ستوور عراقى فريه‌ ئاشكراسه‌و سه‌رۆك كۆماريش بايه‌سه‌ بودجه‌ له‌ماوه‌ى 15 رووژ په‌سه‌ن بكه‌ێد و ئه‌گه‌ر دوياى ئه‌و ماوه‌ په‌سه‌ن نه‌كريا هه‌ر په‌سه‌ن كريه‌ێد وه‌و مانا ك ده‌ستوور گرنگى نايه‌ێد ك سه‌رۆك كۆمار په‌سه‌نى بكا يا په‌سه‌نى نه‌كا وه‌ ئه‌وه‌گ په‌سه‌نكردنى له‌لايه‌ن سه‌رۆك كۆماره‌و ه‌نيا شه‌ره‌فى پۆرتۆكۆڵيه‌و مه‌سه‌له‌ى ياسايى له‌بانى ناكه‌فێده‌و.

 

جى باسه‌، به‌ياننامه‌گه‌ باس له‌وه‌يش كرد ك حكومه‌ت ئه‌و لايه‌نه‌سه‌ ك نه‌بايه‌د ته‌عن وه‌ بڕگه‌يل بودجه‌ بكا دوياى ئه‌وه‌گ ده‌نگ له‌بانى دريا له‌ناو ئه‌نجومه‌ن نوێنه‌ره‌يل.