هــــه‌واڵ عــیراق
شماره‌يگ داعشى له‌ هه‌وڵ پلانيگ ئه‌را په‌لامارداين به‌غدا و نه‌جه‌ف كوشيان

شماره‌يگ داعشى له‌ هه‌وڵ پلانيگ ئه‌را په‌لامارداين به‌غدا و نه‌جه‌ف كوشيان


شه‌فه‌ق نيوز/ وزاره‌ت ناوخوه‌يى عراقى ئاشكراێ ئه‌وه‌ كرد ك شانه‌ى ئه‌لسقوور سه‌ر وه‌ وزاره‌ته‌گه‌ وه‌ ريككه‌فتن وه‌ل سه‌ركردايه‌تى فه‌رمانده‌يى هاوبه‌ش هه‌ڵمه‌تيگ نموونه‌يى ئه‌را وه‌ئامانجگرتن سێ بنگه‌ێ گرينگ ريكخرياگ ترۆريستى داعش ئه‌نجام دانه‌ له‌ خوه‌رئاواێ پاريزگاى ئه‌نبار له‌ڕێ هيز ه‌يل ئاسمانى.

 

وزاره‌ته‌گه‌ له‌ به‌ياننامه‌يگ وت: ئه‌و په‌لاماره‌يل ئاسمانيه‌ گرده‌وبوينيگ سه‌ركرده‌يل سه‌ربازى داعش گرته‌سه‌ ئامانج له‌ قه‌زاى ئه‌لقائم ك خه‌ريك داناين پلان بوينه‌ ئه‌را په‌لامارداين به‌غدا و نه‌جه‌ف پيرووز.

 

جى باسه‌، وزاره‌ته‌گه‌ هه‌ميش وت: ئه‌و په‌لاماره‌يل ئاسمانيه‌ وه‌ ته‌مامى بنگه‌يل ئه‌و ريكخرياگه‌ ويران كردنه‌و 20 ترۆريستيش كوشيانه‌و بڕيگ له‌ليان له‌ سه‌ركرده‌يل سه‌ربازى ئه‌و ريكخرياگ ترۆريستيه‌ بوينه‌ وه‌ل زه‌خمداربوين شماره‌يگ تر و ويرانكردن دو سه‌ياره‌يش.