هــــه‌واڵ كــوردى
وه‌ڕيه‌وبه‌رايه‌تى ره‌گه‌زنامه‌ رينمايى هه‌ڵه‌په‌ڵه‌يگ ئاراسته‌ى خه‌ڵك كوردستان كرد

وه‌ڕيه‌وبه‌رايه‌تى ره‌گه‌زنامه‌ رينمايى هه‌ڵه‌په‌ڵه‌يگ ئاراسته‌ى خه‌ڵك كوردستان كرد


شه‌فه‌ق نيوز/ وه‌ڕيه‌وبه‌رايه‌تى گشتى ره‌گه‌زنامه‌ له‌ هه‌رێم كوردستان، داوا له‌ هاووڵاتيه‌يل كرد هه‌ڵه‌په‌ڵه‌ بكه‌ن له‌ ده‌ركردن كارت نيشتمانى، ئه‌ويش له‌وه‌ر ئاسانه‌وكردن كاروباريان.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ وت: ئيسه‌ هاووڵاتيه‌يل ئه‌تويه‌نن كار نيشتمانى بارنه‌ ده‌س و داوايش له‌ليان كرد هه‌ڵه‌په‌ڵه‌ بكه‌ن له‌ دراوردنى، چوينكه‌ ئاسانكارێ ئه‌رايان ئه‌كا له‌ ئه‌نجامداين كاره‌يليان و له‌ئاينده‌يش پشت وه‌پى ئه‌وه‌سيه‌ێد ئه‌را هه‌ر معامله‌يگ.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ك به‌ڵگه‌يل خواست ئه‌را دراوردن كارت نيشتمانى پيكهاتگه‌ له‌: كۆپييگ ئه‌سڵى شايه‌ت جنسيه‌ عراقى و كۆپييگ ئه‌سڵى ره‌گه‌زنامه‌و كۆپييگ ئه‌سڵى كارت زانيارى.