هــــه‌واڵ عــیراق
محه‌مه‌د بن سه‌لمان ئاشكراێ پاكانه‌ێ كيشه‌يل وه‌ل عراق كرد

محه‌مه‌د بن سه‌لمان ئاشكراێ پاكانه‌ێ كيشه‌يل وه‌ل عراق كرد


شه‌فه‌ق نيوز/ حه‌يده‌ر عبادى سه‌رۆك ئه‌نجومه‌ن وه‌زيره‌يل له‌ باره‌گاێ نيشتنى له‌ مه‌ككه‌ چه‌وێ كه‌فته‌ مير محه‌مه‌د بن سه‌لمان وه‌لى وه‌لى عه‌هد و وه‌زير وه‌رگرى سعودى و باس له‌ هاوكارى دژ ترۆر كردن وه‌ل بته‌وكردن په‌يوه‌نديه‌يل دولايه‌نه‌ و به‌رژه‌وه‌نديه‌يل هاوبه‌ش.

 

عبادى له‌و ديدارى باسيش له‌ ده‌رفه‌ته‌يل وه‌به‌رهاوردن كرد له‌ بواره‌يل وزه‌ و كشتوكاڵ و پيشه‌سازێ، يه‌يش بيجگه‌ هاوكارى ئاسايشى و روى وه‌ڕوێ بوينه‌وه‌ێ مه‌ترسى ترۆر.

 

جى باسه‌، له‌لايه‌ن خوه‌ييشه‌و وه‌لى وه‌لى عه‌هد سعودى وت: شانشين سعودى و عراق ته‌حه‌ديات و مه‌ترسيه‌يل هاوبشيگ ديرن، وه‌لێ شانشين گه‌شبينه‌ وه‌ كار عراق و ريڕه‌وێ و قوناغ خاسيگ بڕيه‌ له‌ڕى ئه‌نجومه‌ن ته‌نسيقى ناونى هه‌ردوگ وڵات و سعوديه‌يش ئاماده‌س وه‌ل عراق بووسيه‌ێد و ده‌سميه‌تى بيه‌ێد وه‌گشت شيوه‌يگ و هويچ ناكووكى و كيشه‌يگ له‌ناونى خوه‌ێ و عراق نيه‌و هاوكارى ناونيان ئاڵشتكارێ گرينگيگه‌ له‌ ناوچه‌گه‌.