هــــه‌واڵ كــوردى
هه‌ورامى: راپرسى سه‌روه‌خوه‌يى كه‌ركوكيش ئه‌گرێده‌و

هه‌ورامى: راپرسى سه‌روه‌خوه‌يى كه‌ركوكيش ئه‌گرێده‌و


شه‌فه‌ق نيوز/ مه‌سعود بارزانى راوێژكار مه‌سعود بارزانى سه‌رۆك هه‌رێم كوردستان، ئه‌وه‌ ده‌رخست ك كه‌ركوك له‌ چوارچيوه‌ى ئه‌و راپرسيه‌ ئه‌دێ ك چه‌وه‌ڕى ئه‌كريه‌ێد ئه‌نجام بگرێد له‌ تاوسان ئاينده‌ له‌بان سه‌روه‌خوه‌يى كوردستان.

 

هێمن هه‌ورامى له‌ لێدوانيگ ئه‌را رووژنامه‌ێ تايمز بريتانى ك(شه‌فه‌ق نيوز)ئاگادارى بوى، وت: كه‌ركوك ئه‌دێده‌ به‌شيگ له‌ مه‌سه‌له‌ێ راپرسى و ئاماژه‌ وه‌يه‌يش كرد ك ئى مه‌سه‌له‌ى راپرسيه‌ وه‌ شيوه‌يگ جددى له‌ناونى بارزانى و مايكڵ بينس جيگر سه‌رۆك ئه‌مريكى باس كرياگه‌.

 

جى باسه‌، ئه‌نجومه‌ن پاريزگاى كه‌ركوك له‌ نيسان گوزه‌يشت، بڕيار راپرسى دا له‌باره‌ى خستن پاريزگاگه‌ وه‌بان هه‌رێم كوردستان و په‌رله‌مان عراقيش به‌رزه‌وكردن ئاڵاى كوردستان له‌بان ده‌زگايه‌يل فه‌رمى ره‌ته‌و كرد.