هــــه‌واڵ عــیراق
حه‌لبوسى هه‌وڵ بته‌وكردن په‌يوه‌ندى ناونى به‌غدا و قاهيره‌ ئه‌ياد

حه‌لبوسى هه‌وڵ بته‌وكردن په‌يوه‌ندى ناونى به‌غدا و قاهيره‌ ئه‌ياد


شه‌فه‌ق نيوز/ سامح شوكرى وه‌زير خارجيه‌ى مسرى، چه‌وى كه‌فته‌ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل عراقى له‌وه‌ر گفتگوو له‌باره‌ى په‌يوه‌نديه‌يل دولايه‌نه‌و ئاخرين روێداگه‌يل له‌ مه‌يدان عه‌ره‌بى له‌وه‌خت سه‌ردانه‌گه‌ى حه‌لبوسى ئه‌را قاهيره‌.

 

راوێژكار ئه‌حمه‌د حافز قسه‌كه‌ر وه‌ناو وه‌زاره‌ خارجيه‌، وت: شوكرى له‌ سه‌ره‌تاى ديداره‌گه‌ پيرووزبايى له‌ سه‌رۆك ئه‌نجومه‌ن نوێنه‌ره‌يل عراقى كردگه‌ له‌ مه‌سه‌له‌ى ته‌مامبوين پرووسه‌ى هه‌ڵوژاردنى و راسپاردن سه‌رۆك وه‌زيره‌يل تازه‌ ئه‌را دامه‌زرانن حكومه‌ت و دوياخريش ريزدارى خوه‌ى ده‌رخستگه‌ ئه‌را قويله‌وكردن و بته‌وكردن په‌يوه‌نديه‌يل مسرى - عراقى.

 

جى باسه‌، حافز هه‌ميش وت: شوكرى له‌و ديداره‌ جه‌ختيش له‌بان بنه‌ماى سياسه‌ت مسرى كردگه‌ وه‌رانوه‌ر عراق، له‌وانه‌يش: پشتگيرى يه‌كێتى و سه‌روه‌رى گشت خاكه‌يل عراق وه‌ل متمانه‌ى مسر له‌ توانايى ده‌زگايه‌يل نيشتمانى عراقى له‌بان په‌راندنه‌وه‌ى گشت سه‌ختيه‌يليگ.