هــــه‌واڵ عــیراق
چه‌كداره‌يل داعش مناڵ له‌ شوونه‌يل مينڕيژكردن ئه‌يه‌رنه‌ كار

چه‌كداره‌يل داعش مناڵ له‌ شوونه‌يل مينڕيژكردن ئه‌يه‌رنه‌ كار


شه‌فه‌ق نيوز/ سه‌رچه‌وه‌يل ناوچه‌يى له‌ شار موسڵ ئه‌وه‌ ده‌رخستن ك چه‌كداره‌يل ريكخرياگ ترۆريستى داعش مناڵ هاوردنه‌سه‌ كار له‌ جيوازكردنن مادده‌ى ته‌قه‌مه‌نى ئه‌را شوونه‌يل دروسكردن سه‌ياره‌يل مينڕێژكرياێ له‌ ديم راس شاره‌گه‌.

 

ئه‌و سه‌رچه‌وه‌يله‌ باس له‌وه‌يش كردن و وتن: ئه‌و مناڵه‌يله‌ ك ريكخرياگ ترۆريستى داعش كاركردن له‌و شوونه‌يله‌ له‌بانيان چه‌سپانگه‌ ته‌مه‌نيان ها ناونى(12 تا 14)ساڵان.

 

جى باسه‌، ئى گاميشه‌ ئه‌چێده‌ چوارچيوه‌ى ستراتيجيه‌ت ئه‌و ريكخرياگه‌ ئه‌را دويره‌وخستن گومان هيزه‌يل ئاسايشى و ئاشكرا نه‌كردن ئه‌و شوونه‌يله‌ ك سه‌ياره‌يل له‌تيان مينڕێژ ئه‌كريه‌ێد.