هــــه‌واڵ عــیراق
هاوپه‌يمانى سه‌در: عه‌بدولمهدى دوسيه‌ى مه‌ترسيدار و به‌سياێ واز ئه‌كا

هاوپه‌يمانى سه‌در: عه‌بدولمهدى دوسيه‌ى مه‌ترسيدار و به‌سياێ واز ئه‌كا


شه‌فه‌ق نيوز/ هاوپه‌يمانى سائرون ك له‌لايه‌ن موقته‌دا سه‌در سه‌ركرده‌ى ره‌وت سه‌درى پشتگيرى ئه‌كريه‌ێد، جه‌خت له‌وه‌ كرد ك عادل عه‌بدولمهدى سه‌رۆك وه‌زيره‌يل راسپارياێ، دوسيه‌يل گه‌ناته‌كارى گرنگ و به‌سياێ واز ئه‌كا ئه‌را ماوه‌ى ساڵه‌يله‌گه‌ ك ئاشكرا نه‌كريانه‌.

 

له‌ى باوه‌ته‌و، رائد فه‌همى سه‌ركرده‌ له‌ هاوپه‌يمانيه‌گه‌ ئه‌را شه‌فه‌ق نيوز وت: عادل عه‌بدولمهدى سه‌رۆك وه‌زيره‌يل راسپارياێ، جوور به‌شيگ له‌ پرووژه‌ خاسسازيه‌گه‌مان هاتگه‌، وه‌تايبه‌ت له‌ بوار نه‌هيشتن گه‌ناته‌كارى و وازكردن دوسيه‌يل به‌سياێ وه‌رجه‌ ساڵه‌يليگ وه‌بى هووكاره‌يل ئاشكرايگ.

 

فه‌همى هه‌ميش وت: عادل عه‌بدولمهدى به‌رنامه‌ێ تايبه‌تيگ ئه‌خاده‌ روێ ئه‌را له‌ناوبردن گه‌ناته‌كارى و وازكردن دوسيه‌يل به‌سياێ، وه‌تايبه‌ت دوسيه‌يل وه‌ده‌سه‌وداين شار موسڵ و كاره‌سات سپايكه‌ر و كرده‌وه‌يل تر له‌ دوسيه‌يل خه‌ته‌رناك ك ماوه‌ى ساڵه‌يليگه‌ باس واز له‌ليان هاورياگه‌ وه‌بى چه‌ودێرى.