هــــه‌واڵ كــوردى
ئسلامى كوردستان: عراق يه‌كگرتگ جوور يوغسلافيا و يه‌كێتى سۆڤێت ته‌مام بوێ

ئسلامى كوردستان: عراق يه‌كگرتگ جوور يوغسلافيا و يه‌كێتى سۆڤێت ته‌مام بوێ


شه‌فه‌ق نيوز/ خه‌ليل ئبراهيم سه‌ركرده‌ له‌ يه‌كێتى ئسلامى كوردستان و ئه‌ندام ليژنه‌ێ باڵاێ راپرسێ وت: عراق يه‌كگرتگ ته‌مام بوێ و مه‌سه‌له‌گه‌يش وه‌و روێداگه‌ ته‌شبيه كرد ك له‌ سه‌ده‌ێ وه‌رين له‌ ناونى يوغسلافيا و يه‌كێى سوڤێت رويدا.

 

ئبراهيم له‌ وته‌يگ له‌ وه‌خت به‌شداريكردنى له‌ سيميناريگ ك له‌لايه‌ن په‌يمانگاێ ته‌كنيكى له‌ قه‌زاێ عه‌قره‌ سه‌ر وه‌ پاريزگاێ دهۆك ساز كريا له‌باره‌ێ راپرسێ وت: راپرسى فريه‌ گرينگه‌ و چاره‌نويس ملله‌ت ديارێ ئه‌كا و گشت حزبه‌يليش وه‌ رووح وه‌رپرسيارێتيه‌و وه‌ل ئى مه‌سه‌له‌ ‌ ئه‌كه‌ن و كۆمه‌ڵگاێ كوردستانى وه‌ ئنتمايه‌يل سياسى و ئايينى و تايفيه‌و ئه‌خوازن قه‌واره‌يگ سياسى داشتوون.

 

جى باسه‌، خه‌ليل داواێ ئه‌نجامدان مراجعه‌ێ گشتگيريگيش ئه‌را ئه‌و راپرسيه‌يليشه‌ بكريه‌ێد ك ئه‌نجام دريانه‌ له‌ وڵاته‌يل جه‌هان و ئاماژه‌ وه‌ ئه‌وه‌يش كرد ك عراق يه‌كگرتگ كووتايى وه‌پى هات جوور يوغسلافيا و يه‌كێتى سوڤێت.