هــــه‌واڵ كــوردى
هه‌ولێر و به‌غدا ريككه‌فتن له‌بان سازكردن كۆنفرانس په‌روه‌پيدان عراق

هه‌ولێر و به‌غدا ريككه‌فتن له‌بان سازكردن كۆنفرانس په‌روه‌پيدان عراق


شه‌فه‌ق نيوز/ نه‌يچێروان بارزانى سه‌رۆك حكومه‌ت هه‌رێم كوردستان له‌ ديداريگ وه‌ل سه‌لمان جومێلى وه‌زير پلاندانان عراق و شانده‌ ياوه‌ره‌گه‌ى باس له‌ سازكردن كۆنفرانس په‌روه‌پيدان عراق كردن له‌ هه‌ولێر پايته‌خت وه‌ به‌شدارى بانك ناوده‌وڵه‌تى و نوێنه‌ره‌يل پاريزگايه‌يل عراقى.

 

سه‌رۆكايه‌تى حكومه‌ت هه‌رێم له‌ به‌ياننامه‌يگ ئه‌را(شه‌فه‌ق نيوز)وت: بازرانى پيشوازى له‌ سه‌لمان جومێلى وه‌زير پلاندانان عراق و شانده‌ ياوه‌ره‌گه‌ى كردگه‌و شاند ميوانيش خوه‌شاڵى خوه‌ى وه‌و سه‌ردانه‌ ئه‌را هه‌رێم ده‌رخستگه‌و ئاماده‌گى خوه‌ى نيشانداگه‌ ئه‌را ريككه‌فتن يا هاوكارى وه‌ل هه‌ولێر له‌وه‌ر خاتر خاسه‌وكردن په‌يوه‌نديه‌يل دولايه‌نه‌و هاوردنه‌وه‌ى مافه‌يل تايبه‌ت هه‌رێم.

 

جى باسه‌، له‌لايه‌ن خوه‌ييشه‌و بارزانى سپاسگوزارى له‌ جومێلى كرد ئه‌را ئه‌و سه‌ردانه‌و باس له‌ سازكردن كۆنفرانس په‌ره‌وه‌پيدان عراق كرد له‌ هه‌ولێر و ئاماده‌گى حكومه‌ت هه‌رێم ده‌رخست ئه‌را ميواندارى ئيچنه‌ كۆنفرانسه‌يليگ له‌ هه‌رێم.