هــــه‌واڵ كــوردى
ئه‌نجومه‌ن باڵاێ هووزه‌يل عه‌ره‌بى له‌ مسر پشتگيرى سه‌روه‌خوه‌يى كوردستان ئه‌كه‌ن

ئه‌نجومه‌ن باڵاێ هووزه‌يل عه‌ره‌بى له‌ مسر پشتگيرى سه‌روه‌خوه‌يى كوردستان ئه‌كه‌ن


شه‌فه‌ق نيوز/ يونس ئه‌بو غه‌زاله‌ ئه‌لخوه‌يلدى سه‌رۆك ئه‌نجومه‌ن باڵاێ هووزه‌يل عه‌ره‌بى و مسرێ ئاشكراێ پشتگيرى ئه‌نجومه‌نه‌گه‌ له‌ راپرسێ هه‌رێم كوردستان كرد ك برياره‌ له‌ 25 ئه‌يلوول ئاينده‌ ئه‌نجام بگرێد.

 

له‌ى باوه‌ته‌و، پارت ديموكرات كوردستان له‌ به‌ياننامه‌يگ وت: ئه‌لخوه‌يلدى له‌ ديدارى وه‌ل شێركۆ حه‌بيب نوێنه‌ر پارتى له‌ قاهيره‌ ئاشكراێ پشتگيرى ئه‌نجومه‌نه‌گه‌ێ له‌ مافه‌يل ملله‌ت كوردستان و ريزگرتن له‌ بڕياره‌يلى كردگه‌.

 

جى باسه‌، به‌ياننامه‌گه‌ له‌ زووان حه‌بيب وت: بريار سه‌ركردايه‌تى سياسى كوردستان له‌ باره‌ێ راپرسێ له‌ واده‌ێ بڕياردرياگ خوه‌ێ جيوه‌جى ئه‌كريه‌ێد و هوچ لايه‌نيگيش ماف ئه‌وه‌ نه‌يرێد له‌ جياێ ملله‌ت بڕيار بيه‌ێد و ئيراده‌ێ خوه‌ێ فه‌رز بكا، به‌ڵكوو ملله‌ت كوردستان به‌رژه‌وه‌ندێ خوه‌ێ خاس زانێد.