هــــه‌واڵ عــیراق
ئه‌نداميگ دوياخستن هه‌ڵوژاردنه‌يل وه‌ "كوده‌تاێ سياسى" تاريف كرد

ئه‌نداميگ دوياخستن هه‌ڵوژاردنه‌يل وه‌ "كوده‌تاێ سياسى"  تاريف كرد


شه‌فه‌ق نيوز/ مه‌نسور بعێجى ئه‌ندام له‌بان ئئتلاف ده‌وڵه‌ت ياسا، مه‌سه‌له‌ێ دوياخستن هه‌ڵوژاردنه‌يل وه‌ "كوده‌تايگ سياسى" له‌بان ئيراده‌ى ملله‌ت عراقى تاريف كرد وه‌ ئه‌وه‌گ وڵاته‌گه‌ ئه‌كيشێد وه‌ره‌و بۆشايى ده‌ستوورى و ئاژاوه‌ێ سياسى و گله‌وخواردن وه‌ره‌و چوارگووشه‌ێ يه‌كه‌م.

 

بعێجى له‌ به‌ياننامه‌يگ ك روينويسێگى ره‌سيه‌ شه‌فه‌ق نيوز، وت: زوورم فراكسيۆنه‌يل سياسى كار له‌بان دوياخستن هه‌ڵوژاردنه‌يل ئه‌كه‌ن له‌وه‌ر به‌رژه‌وه‌ندى سياسى خوه‌يان، يه‌يش بيجگه‌ ئفلاس سياسى له‌ڕێ له‌ده‌سداين ده‌نگه‌يل فريه‌يگ مه‌ردمى وه‌ تايبه‌ت ك فراكسيۆنه‌يليگ سياسى و حزبه‌يليگ هه‌ن له‌وه‌ر وه‌رگريكرن له‌ خاك نيشتمان و داين شه‌هيده‌يل و جه‌نگ دژ ريكخرياگ ترۆريستى داعش پايه‌ێ مه‌ردمييان به‌رزه‌و بويه‌.

 

جى باسه‌، بعێجى هه‌ميش وت: هه‌وڵ بڕيگ له‌ فراكسيۆنه‌يل سياسى ئه‌را دوياخستن هه‌ڵوژاردنه‌يل له‌وه‌ر رازيكردن لايه‌نگره‌يليانه‌، چوينكه‌ خاس زانن ك كه‌سه‌يليگ هه‌ن جاريگتر كه‌س ده‌نگ  وه‌پيان نايه‌ێد و نزيكه‌ى 60% له‌و كه‌سه‌يله‌ زه‌ره‌د ئه‌كه‌ن و هه‌ر له‌وه‌ر ئه‌وه‌يش هه‌وڵ ئه‌يه‌ن ده‌ستور بشكنن له‌ڕێ دوياخستن هه‌ڵوژاردنه‌يل.