هــــه‌واڵ كــوردى
بارزانى ره‌خنه‌ى تون له‌ ناپاكى كه‌سه‌يليگ گرت زه‌ره‌د گه‌ورا وه‌ كوردسان ره‌سانن

بارزانى ره‌خنه‌ى تون له‌ ناپاكى كه‌سه‌يليگ گرت زه‌ره‌د گه‌ورا وه‌ كوردسان ره‌سانن


شه‌فه‌ق نيوز/ مه‌سعود بارزانى سه‌رۆك هه‌رێم كوردستان، له‌نوو جه‌خت له‌وه‌ كرد و وت: ئه‌و راپرسيه‌ ك هه‌رێم كوردستان ئه‌نجامى دا ئه‌را سه‌روه‌خوه‌يى له‌ عراق، گوزارش بوێ له‌ ئيراده‌و خواست ملله‌ت سته‌مديده‌ وه‌ شيوازيگ فريه‌ ئاشتيانه‌، وه‌لێ دوياى ئه‌و راپرسيه‌ كه‌سه‌يليگ ناپاك زه‌ره‌د گه‌ورا وه‌ هه‌رێم ره‌سانن.

 

ئى وته‌ى بارزانيه‌ له‌ په‌ياميگ بوێ ئه‌را كۆنفرانس ناوده‌وڵه‌تى كۆمەڵەيل كورد وڵاته‌يل سۆڤییەت وه‌رين ك له‌تى وت: ده‌سخوه‌شى له‌ سازكردن كۆنفرانسه‌گه‌ ئه‌كه‌م و قه‌درو حورمه‌تم ئه‌را هه‌وڵ يه‌كه‌ يه‌كه‌ى ئيوه‌ى ئه‌زيز ئه‌را ريكخستن و په‌كخستن كاروبار و چالاكيه‌يل كۆمه‌ڵه‌يل كورد له‌و وڵاته‌يله‌و ئاره‌زوو سه‌ركه‌فتن ئه‌رادان ئه‌خوازم.

 

بارزانى له‌ به‌شيگ تر په‌یامه‌گه‌ وت: وه‌ داخيگ فريه‌وه‌ ملله‌ت وه‌ زوور و وه‌بى ئيراده‌ى خوه‌ى دابه‌ش كرياگه‌و ئه‌و دابه‌شبوينيشه‌ له‌يوا كردگه‌ ملله‌ت كورد تويش كاره‌سات و زوڵم كه‌ورا باێد و كورد ئه‌را وه‌رگرى له‌ مه‌ندنه‌وه‌ى خوه‌ى خه‌بات كردگه‌و شوورشه‌ يه‌ك له‌شوون يه‌كه‌يل كورديش به‌ڵگه‌ن ئه‌را ئه‌و راسيه‌.