هــــه‌واڵ عــیراق
فه‌رمانده‌يى هاوبه‌ش له‌باره‌ى هيزه‌يل ئه‌مريكى له‌ كه‌ركوك ئاشكراكردنيگ دا

فه‌رمانده‌يى هاوبه‌ش له‌باره‌ى هيزه‌يل ئه‌مريكى له‌ كه‌ركوك ئاشكراكردنيگ دا


شه‌فه‌ق نيوز/ فه‌رمانده‌يى هاوبه‌ش، بڵاوبوينه‌وه‌ى هيزه‌يل ئه‌مريكى له‌ كه‌ركوك خسته‌ دروو و باسيش له‌وه‌ كرد ك كار هويچ هيزيگ بيگانه‌يش نيه‌ كۆنترۆڵ ناوچه‌يل عراق بگرێده‌ مل و له‌ روێ شماره‌يشه‌و تواناى خاسيگ نه‌يرن تا ئه‌و كاره‌ بكه‌ن.

 

فه‌رمانده‌يى هاوبه‌ش له‌ به‌ياننامه‌يگ وت: بريگ له‌ هووكاره‌يل ره‌سانن له‌ زووان سه‌رچه‌وه‌يل هه‌رێم كوردستانه‌وه‌ باس له‌ جموجويل هيزه‌يل ئه‌مريكى له‌ كه‌ركوك كردنه‌، وه‌لێ ئه‌و هه‌واڵه‌يله‌ ره‌ته‌و ئه‌كه‌يم و سه‌ركردايه‌تى فه‌رمانده‌يى هاوبه‌ش جه‌خت له‌وه‌ ئه‌كا ك هويچ زيايبوينيگ له‌ هيزه‌يل هاوپه‌يمان نيه‌ نه‌ له‌ كه‌ركوك و نه‌يش له‌ باقى خاكه‌يل تر عراقى.

 

جى باسه‌، به‌ياننامه‌گه‌ هه‌ميش وت: وه‌رپرسيارێتى ئاسايش كه‌ركه‌ك وه‌رپرسيارێتييگ نيشتمانى عراقيه‌و وه‌ده‌س هيزه‌يل ناوه‌ندى و پۆليس كه‌ركه‌ك و ئه‌رك هاوپه‌يمان ناوده‌وڵه‌تى دياريكرياگه‌ ئه‌را مه‌شق و راوێژكارى و پشتگيرى لۆجيستى.