هــــه‌واڵ عــیراق
سه‌رچه‌وه‌يليگ باس ياخيبوين فه‌سيله‌يليگ حه‌شد شه‌عبى له‌ عه‌بادى ئه‌كه‌ن

سه‌رچه‌وه‌يليگ باس ياخيبوين فه‌سيله‌يليگ حه‌شد شه‌عبى له‌ عه‌بادى ئه‌كه‌ن


شه‌فه‌ق نيوز/ رووژنامه‌ى حه‌يات له‌نده‌نى له‌ شماره‌ى ئمڕووى له‌ زووان سه‌رچه‌وه‌يليگ عراقى ك وه‌ متمانه‌دار تاريفى كرد وت: شماره‌يگ له‌ فه‌سيله‌يل حه‌شد شه‌عبى وه‌ فه‌رمان سه‌ركردايه‌تى ده‌سه‌ى حه‌شد كار ناكه‌ن له‌وساوه‌ حه‌يده‌ر عه‌بادى سه‌رۆك وه‌زيره‌يل سه‌رۆكايه‌تيى ئه‌كا وه‌ وه‌كاله‌ت.

 

ئه‌و سه‌رچه‌وه‌يله‌ باس له‌وه‌ كردنه‌ فه‌سيله‌يليگ نزيك له‌ هه‌ردوگ فراكسيۆن فه‌تح و ده‌وڵه‌ت ياساو شماره‌يگ تر له‌ ليوايه‌يل حه‌شد هه‌ن وه‌ فه‌رمان عه‌بادى ناچنه‌ ڕييه‌و له‌شوون لاوردن فالح فه‌ياز سه‌رۆك ده‌سه‌ى حه‌شد شه‌عبى ك چيه‌ ناو محوه‌ر فه‌تح و ده‌وڵه‌ت ياسا له‌ مه‌سه‌له‌ى دامه‌زرانن حكومه‌ت و جيا بويه‌و له‌ هاوپه‌يمانى نه‌سر وه‌ سه‌رۆكايه‌تى عه‌بادى.

 

ئه‌و سه‌رچه‌وه‌يله‌ هه‌ميش وتنه: عه‌بادى ئاڵشتكارى ئدارى وه‌رده‌وام ئه‌كاو ده‌سڵات ته‌ماميگ داسه‌ سوپاى عراقى ئه‌را ئه‌وه‌گ زاڵ له‌بان جموجويل ئه‌وانه‌گ له‌ چوارچيوه‌ى حه‌شد مه‌ندنه‌، وه‌لێ جه‌خت له‌وه‌يش كرد بريگ فه‌سيل مه‌ترسى ئه‌وه‌ ديرن ئى به‌شبه‌شبوينه‌ زه‌رد بڕه‌سنێده‌ مووچه‌و كاره‌يل تر سه‌ربازى.