هــــه‌واڵ عــیراق
ده‌يان خوه‌ينيشانده‌ر له‌ به‌سره‌ ته‌نگه‌نه‌فه‌س بوينه‌

ده‌يان خوه‌ينيشانده‌ر له‌ به‌سره‌ ته‌نگه‌نه‌فه‌س بوينه‌


شه‌فه‌ق نيوز/ سه‌رچه‌وه‌يگ وه‌رپرس ئه‌منى و شايه‌تحاڵه‌يل ئه‌وه‌ ده‌رخستن ك ده‌يان كه‌س له‌ خوه‌ينيشانده‌ره‌يل له‌ پاريزگاى به‌سره‌ له‌ پاين باشوور عراق تويش حاڵه‌ت ته‌نگه‌نه‌فه‌سى بوينه‌ له‌ئاكام ئه‌وه‌گ له‌لايه‌ن هيزه‌يل ئه‌منيه‌و غاز ئه‌سرڕشن وه‌رانوه‌ريان هاورياسه‌ كار.

 

ئه‌و سه‌رچه‌وه‌و شايه‌تحاڵه‌يله‌ ئه‌را شه‌فه‌ق نيوز وتن: سه‌دان كه‌س له‌وه‌رده‌م باڵه‌خانه‌ى ئه‌نجومه‌ن به‌سره‌و له‌ پاريزگاگه‌ گرده‌و بوينه‌ له‌ خوه‌ينيشانداينيگ ئه‌را ده‌رخستن ناڕه‌زايه‌تى له‌باره‌ى پيسبوين ئاوه‌يل و به‌رزه‌وبوين ريژه‌ى شووره‌كات له‌ ئاوه‌يل.

 

جى باسه‌، هه‌ميش وتن: ده‌يان خوه‌ينيشانده‌ر تويڕه‌ له‌ به‌سره‌ هه‌وڵ ئه‌وه‌ دانه‌ بچنه‌ ناو باڵه‌خانه‌ى ئه‌نجومه‌ن و حكومه‌ت ناوچه‌يى، وه‌لێ هيزه‌يل ئه‌منى وه‌ غاز ئه‌سرڕشن روێ وه‌ڕوييان بوينه‌سه‌و ئه‌را چويچيانينان، ك يه‌يش بويه‌سه‌ هووكار ته‌نگه‌نه‌فه‌سى ده‌يان خوه‌ينيشانده‌ر.