هــــه‌واڵ عــیراق
جبورى داواى فيزا له‌ رۆمانيا ئه‌را عراقيه‌يل كرد

جبورى داواى فيزا له‌ رۆمانيا ئه‌را عراقيه‌يل كرد


شه‌فه‌ق نيوز/ سه‌ليم جبورى سه‌رۆك ئه‌نجومه‌ن نوێنه‌ره‌يل عراقى، داوا له‌ حكومه‌ت رۆمانى كرد ئاسانكارى داين فيزا و نيشته‌جيكردن ئه‌را عراقيه‌يل بكا وه‌تايبه‌ت ئه‌را خوه‌ندكاره‌يل.

 

له‌ى باوه‌ته‌و، نويسينگه‌ى ره‌سانن جبورى له‌ به‌ياننامه‌يگ باس له‌وه‌ كرد ك ناوبرياگ له‌ ديدارى وه‌ل تيودور فيوريل ميليشكانۆ وه‌زير خارجيه‌ى رۆمانى باس له‌ په‌يوه‌ندى ناونى هه‌ردوگ وڵات كردگه‌و له‌وانه‌يش مێژوو ژيارى گه‌ورايگ ك بويه‌سه‌ بته‌وبوين ئه‌و په‌يوه‌نديه‌.

 

جى باسه‌، به‌ياننامه‌گه‌ يه‌يش ده‌رخست ك جبورى له‌و ديداره‌ داوايش له‌ حكومه‌ت رۆمانى كرد ئاسانكارى ئه‌را داين ريژه‌ى فيشتر فيزل وه‌ عراقيه‌يل بكاو له‌وانه‌يش ئاسانكارى ئه‌را نيشته‌جيكردن خوه‌ندكاره‌يل.