هــــه‌واڵ جیــهانى
واشنتۆن داواێ زانيارێ ئه‌كا‌ له‌بان گه‌شتكه‌ره‌يل وه‌ره‌و وڵاته‌يل يه‌كگرتگ

واشنتۆن داواێ زانيارێ ئه‌كا‌ له‌بان گه‌شتكه‌ره‌يل وه‌ره‌و وڵاته‌يل يه‌كگرتگ


شه‌فه‌ق نيوز/ به‌رقيه‌يگ دبلۆماسى ئاشكراێ ئه‌وه‌ كرد ك وزاره‌ت خارجيه‌ێ ئه‌مريكى داوا له‌ گشت ده‌وڵه‌ته‌يل ئه‌كا زانيارێ گشتگيريگ پيشكه‌ش بكه‌ن ئه‌را ده‌سميه‌تداين له‌ تاقيكردن داواكارێ فيزا وه‌تايبه‌ت ك ئه‌گه‌ر گه‌شتكه‌ر جى مه‌ترسێ بدێ.

 

ئاژانس روێته‌رز باس له‌وه‌ كرد و وت: ئه‌و به‌رقيه‌ ك كلكرياگه‌ ئه‌را گشت نوێنه‌رايه‌تيه‌يل دبلۆماسى ئه‌مريكى، شيه‌وكردنيگه‌ ئه‌را له‌وه‌رگرتن ڕى و شوون تاقيكردن ك دوناڵد ترامپ سه‌رۆك ئه‌مريكى خوازيارێ بويه‌ له‌ 6 مارس گوزه‌يشت ك قه‌يه‌غه‌ێ گه‌شت له‌ زوورم هاووڵاتيه‌يل شه‌ش ده‌وڵه‌ت موسڵمان كرد ئه‌را وڵاته‌يل يه‌كگرتگ.

 

جى باسه‌، ئى به‌رقيه‌ ئاماژه‌ وه‌ بڕيگ پێوه‌ره‌يليش كرد ك واشنتۆن داواێ له‌ وڵاته‌يل تر كردگه‌و له‌وانه‌يش پاسه‌پۆرت ئه‌لكتۆرنى و پلانه‌يل كارا ئه‌را ده‌ركردن ئه‌و پاسه‌پۆرته‌يله‌ و ئاگاداركردن پۆليس ناوده‌وڵه‌تى"ئه‌نته‌رپوڵ"وه‌ شيوه‌يگ ريك وپيك و داواێ پيشكه‌شكردن زانياريه‌يل تريش ئه‌كا له‌باره‌ى ناسنامه‌ وه‌و جووره‌ ك ئايا كه‌سيگ له‌ خيزان ئه‌و كه‌سه‌ ك داواێ فيزا ئه‌كا ترۆريست نه‌ويه‌، يه‌يش بيجگه‌ زانيارى له‌بان ئه‌نجامداين تاوان وه‌خاتر مقه‌يه‌تيكردن وڵاته‌يل يه‌كگرتگ له‌ په‌لاماره‌يل ترۆريستى.