هــــه‌واڵ عــیراق
فه‌رمانده‌يى هاوبه‌ش دڵنيايى دا عراقيه‌يل له‌باره‌ى مه‌رزه‌يل

فه‌رمانده‌يى هاوبه‌ش دڵنيايى دا عراقيه‌يل له‌باره‌ى مه‌رزه‌يل


شه‌فه‌ق نيوز/ سه‌ركردايه‌تى فه‌رمانده‌يى هاوبه‌ش، جه‌خت له‌وه‌ كرد ك مه‌رزه‌يل عراقى - سوورى وه‌شيوه‌ێ خاسيگ ئه‌مانه‌و په‌ياميگيش ئاراسته‌ى عراقيه‌يل كرد.

 

عه‌ميد يه‌حيا ره‌سول قسه‌كه‌ر وه‌ناو سه‌ركردايه‌تيه‌گه‌ ئه‌را شه‌فه‌ق نيوز وت: مه‌رزه‌يل عراقى - سوورى له‌ديم ئيمه‌وه‌ ئه‌مانه‌ وه‌شيوه‌ێ خاسيگ و كه‌رته‌يلمان له‌ورا وجوود ديرن و مقه‌يه‌تى له‌ مه‌رزه‌يل ئه‌كه‌ن وه‌گشت هيزيگه‌وه‌و هه‌ر هه‌وڵ هاتنيگ له‌ داعشه‌و ئه‌را مه‌رزه‌يلمان تويش جواودانه‌وه‌ى سه‌ختيگ و له‌ليداين پڕ ژانيگ ئه‌دێ.

 

جى باسه‌، ره‌سول هه‌ميش وت: دڵنيايى ئه‌يه‌يمنه‌ عراقيه‌يل وه‌ ئه‌وه‌گ هيزه‌يل عراقى ئاماده‌ن ئه‌را جواودانه‌وه‌ى هه‌ر هاتنيگ تيرۆرسته‌يل وه‌ره‌و خاكه‌يل عراقى و وه‌ل ئه‌وه‌يشا زانيارى هه‌واڵگرييش ديريم و چه‌وديرێ ئه‌كه‌يم و ته‌ياره‌يل بى ته‌ياره‌وانيش ديرێم ئه‌را چه‌ودێرى ئه‌وه‌گ روێ ئه‌ياد له‌ناو مه‌رزه‌يل سوورێ و ته‌ياره‌يل جه‌نگيمانيش ئاماده‌ن ئه‌را جواودانه‌وه‌ى هه‌رهه‌وڵيگ هاتن تيرۆريسته‌يل وه‌ره‌و ناو خاكه‌يل عراقى.