هــــه‌واڵ كــوردى
دوسيه‌ى هه‌ڵوژاردنه‌يل عراقى بويه‌ گفتگوو ناونى بارزانى - سيليمان

دوسيه‌ى هه‌ڵوژاردنه‌يل عراقى بويه‌ گفتگوو ناونى بارزانى - سيليمان


شه‌فه‌ق نيوز/ نێچيروان بارزانى له‌ ديدارى وه‌ل دوگلاس سيليمان باڵوێز ئه‌مريكى له‌ عراق، و كين گروس باڵوێز ئه‌مريكى له‌ هه‌ولێر و شانده‌يل باوه‌ريان باس له‌ دويا روێداگه‌يل پرووسه‌ى هه‌ڵوژاردنه‌يل و ئه‌و بڕياره‌يله‌ كرد ك له‌لايه‌ن ئه‌نجومه‌ن نوێنه‌ره‌يل عراقييه‌و ده‌رچينه‌ له‌باره‌ى ئاكامه‌يل هه‌ڵوژاردن.

 

هه‌ردوگلا جه‌خت له‌بان يه‌كده‌نگى له‌ناونى گشت لايه‌نه‌يل كردن ئه‌را سه‌رخستن پرووسه‌ى سياسى له‌ عراق و ئونيد ئه‌وه‌يش خواست گشت كيشه‌يليگ له‌ى باوه‌ته‌و چاره‌سه‌ر بكريه‌ن تا نه‌دێده‌ گرفت له‌وه‌رده‌م ريه‌يل دامه‌زرانن حكومه‌ت تازه‌ى عراقى.

 

هه‌ر له‌ى باوه‌تيشه‌و، سه‌رۆك وه‌زيره‌يل هه‌رێم كوردستان له‌نوو جه‌خت له‌وه‌ كرد ك حكومه‌ت هه‌رێم كوردستان و لايه‌نه‌يل سياسى كار له‌وه‌ر خاتر به‌شدارى يه‌كگرتگ و جددى ئه‌كه‌ن له‌ حكومه‌ت ئاينده‌ى عراقى.