هونه‌ر
ناخوازێد ئاشكراى خوه‌شه‌ويسيه‌گه‌ێ بكا

ناخوازێد ئاشكراى خوه‌شه‌ويسيه‌گه‌ێ بكا


شه‌فه‌ق نيوز/ مه‌ريه‌م ئۆزرلى، ك ناسرياگه‌ وه‌ ئه‌لسوڵتانه‌ هيام، يه‌كه‌مين لێدوانيگى له‌باره‌ێ په‌يوه‌نديى وه‌ل باسل ئه‌لزارو هونه‌رمه‌ند و بێژه‌ر جووريگ له‌ قسه‌وباس دروس كرد له‌لاى لايه‌نگره‌يلى، وه‌تايبه‌ت دوياى ئه‌وه‌گ چه‌ن وێنه‌يگيش وه‌يه‌كه‌و گرتنه‌ له‌ يه‌كيگ له‌ ئوتێله‌يل توركيا.

 

دوياى بڵاوبوينه‌وه‌ى وێنه‌يل مه‌ريم و باسل، ئه‌را گشتلايگ ئاشكرا بوى ك په‌يوه‌ندييگ خوه‌شه‌ويسى دروس بويه‌ له‌ناونيان، وه‌تايبه‌ت له‌ى ماوه‌ى دوياخره‌ ك وه‌يه‌كه‌و ده‌رچيان ئه‌را گه‌شت و سه‌يران چ له‌ توركيا يا به‌رلين، وه‌لێ مه‌ريه‌م ناخوازێد ئاشكراى بكا.

 

مه‌ريم وه‌ل ئه‌وه‌يشا ك مه‌ردم ئاگادار بوينه‌ له‌و په‌يوه‌نديه‌ ك ديرێده‌ى وه‌ل باسل ئه‌لزارو، وه‌لێ هيمان وه‌ل ئه‌وه‌يشا له‌ لێدوانيگى وت: "ته‌نيا خودا خوه‌ى زانێد" و نه‌تواس ئاشكراى بكا.