هــــه‌واڵ عــیراق
هه‌فت كه‌س سه‌ر وه‌ حه‌شد له‌ موسڵ كوشيان و زه‌خمدار بوين

هه‌فت كه‌س سه‌ر وه‌ حه‌شد له‌ موسڵ كوشيان و زه‌خمدار بوين


شه‌فه‌ق نيوز/ سه‌رچه‌وه‌يگ ئاسايشى ئاشكراى كوشيان و زه‌خمداربوين هه‌ف كه‌س كرد له‌ حه‌شد عه‌شايرى له‌شار موسڵ له‌ئاكام په‌لاماريگ ك له‌لايه‌ن تيرۆريسته‌يل ريكخرياگ داعشه‌و ئه‌نجام دريا.

 

سه‌رچه‌وه‌گه‌ ئه‌را شه‌فه‌ق نيوز وت: چوار كه‌س سه‌ر وه‌ حه‌شد عه‌شايرى كوشيانه‌و سێ كه‌س تريش له‌ليان زه‌خمدار بوينه‌ له‌ئاكام په‌لاماريگ ك له‌لايه‌ن ريكخرياگ ترۆريستى داعشه‌و ئه‌نجام درياگه‌ ئه‌را بان ماڵ موختار ئاوايى مكێشيفه‌ له‌ قه‌زاى ئه‌لحه‌زه‌ر له‌ باشوور خوه‌رئاواى موسڵ له‌ وه‌ختيگ ك جه‌ماعه‌تيگ له‌ حه‌شد عه‌شايرى له‌ماڵ موختاره‌گه‌ بوينه‌و بڕيگ له‌ليان كوشيانه‌.

 

جى باسه‌، سه‌رچه‌وه‌گه‌ ك نه‌تواس ناوى ئاشكراى بدێ، وت: چه‌كداره‌يل ترۆريستى داعش چه‌ك و سه‌ياره‌يگ ئه‌و مه‌ردم سه‌ر وه‌ حه‌شد عه‌شايرييشه‌ بردنه‌ له‌و په‌لاماره‌.