هــــه‌واڵ عــیراق
داعش په‌لاماريگ له‌ باكوور به‌غدا ئه‌نجامدا

داعش په‌لاماريگ له‌ باكوور به‌غدا ئه‌نجامدا


شه‌فه‌ق نيوز/ سه‌رچه‌وه‌يگ وه‌رپرس ئه‌منى وت: ريكخرياگ تيرۆريستى داعش په‌لاماريگ ئه‌را بان هيزه‌يل ئه‌منى عراقى له‌ باكوور به‌غداى پايته‌خت ئه‌نجام داگه‌.

 

ئه‌و سه‌رچه‌وه‌ ئه‌را شه‌فه‌ق نيوز وت: ده‌مه‌و شه‌وه‌كى ئمڕوو چه‌كداره‌يليگ له‌ ريكخرياگ تيرۆريستى داعش په‌لامار بورجه‌يل وزه‌ دانه‌ له‌ ناوچه‌ى بحه‌يرات له‌ قه‌زاى تارميه‌ له‌ باكوور به‌غدا.

 

سه‌رچه‌وه‌گه‌ هه‌ميش وت: هيزيگ له‌ فه‌وج 3 و 4 له‌ تيم شه‌ش روێ وه‌ڕوێ ئه‌و په‌لامارده‌ره‌يله‌ بوينه‌سه‌وه‌و تويه‌نستنه‌ شكه‌ست وه‌ په‌لامار ئه‌و تيرۆريسته‌يل تونڕه‌وه‌ بارن.