هــــه‌واڵ عــیراق
به‌سره‌ تومه‌تبار "سۆمۆ" وه‌ له‌ده‌سداين مليۆنه‌ها دۆلار كرد

به‌سره‌ تومه‌تبار "سۆمۆ" وه‌ له‌ده‌سداين مليۆنه‌ها دۆلار كرد


شه‌فه‌ق نيوز/ عه‌لى شه‌داد ئه‌لفارس سه‌رۆك ليژنه‌ێ نه‌فت و غاز له‌ ئه‌نجومه‌ن پاريزگاى به‌سره‌، ره‌خنه‌ له‌ كاره‌يل كومپانياێ بازاڕكردن "سۆمۆ" گرت و له‌ هه‌مان وه‌خت وه‌ كوچگيگ ڕيگر له‌ وه‌رده‌م په‌ره‌داين كومپانياێ جيوازكه‌ر نه‌فت عراقى تاريف كرد ك باره‌گاى سه‌ره‌كيه‌گه‌ێ ئه‌كه‌فێده‌ پاريزگاى به‌سره‌.

 

ئه‌لفارس له‌ باسيگ ئه‌را(شه‌فه‌ق نيوز)وت: كومپانياێ سۆمۆ ته‌رخانكردن ريژه‌يگ له‌ نه‌فت خام و فرووشتى وه‌ شيواز(cif)ره‌ته‌و ئه‌كا ك ئه‌ره‌سيده‌ به‌نده‌ره‌يل دوڵه‌ته‌يل بسين، ئه‌ويش وه‌ مه‌هانه‌ێ حجزكردنى له‌لايه‌ن ئه‌و ده‌وڵه‌ته‌يله‌ ك قه‌رز له‌لاێ عراق ديرن، يه‌يش بيجگه‌ هووكارێ ئه‌را زه‌ره‌د مادى گه‌ورا ئه‌را وڵات جوور غرامه‌يل دوياخستن له‌وه‌خت باركردن و داگرتن ك وه‌ مليۆنه‌ها دۆلار زه‌ره‌د له‌لى ئه‌كه‌فێده‌و.

 

جى باسه‌، ئه‌لفارس هه‌ميش وت: بڕيگ كومپانيايه‌يل جه‌هانى مه‌يل ديرن له‌ جيوازكردن نه‌فت خام عراقى و قه‌وڵ داين بڕه‌ دراييش دانه‌ وه‌ عراق له‌ حاڵه‌تيگ ئه‌گه‌ر ئه‌و شاحنه‌يل بارهه‌ڵگريشه‌ حجز بكريه‌ن له‌ ماده‌يل نه‌فت خام له‌لايه‌ن ده‌وڵه‌ته‌يل قه‌رزده‌ريش.