هــــه‌واڵ عــیراق
وه‌زير ناوخوه‌يى دڵته‌نگه‌ ئه‌را "ئوسامه‌ بن لادن عراقى"

وه‌زير ناوخوه‌يى دڵته‌نگه‌ ئه‌را "ئوسامه‌ بن لادن عراقى"


شه‌فه‌ق نيوز/ قاسم ئه‌عره‌جى وه‌زير ناوخوه‌يى عراقى به‌شدارى له‌ پرسه‌ى ئه‌حمه‌د حسێن "ئوسامه‌ بن لادن وه‌رين"جايه‌ڵ جوان كرد.

 

له‌ى باوه‌ته‌و، نويسينگه‌ى وه‌زير ناوخوه‌يى وت: ئه‌عره‌جى ئاماده‌ى ئه‌و پرسه‌و فاتحه‌ خوه‌نينه‌ بويه‌ و له‌ناوچه‌ى ئه‌عزه‌ميه‌ له‌ به‌غدا نرياگه‌ ئه‌را ئه‌حمه‌د حسێن جايه‌ڵ جوان ك زويتر ناوى ئوسامه‌ بن لادن بوى و پرسه‌و سه‌ره‌خوه‌شى خوه‌ى پيشكه‌ش كرده‌سه‌ كه‌س وكارى.

 

جى باسه‌، ئى جايه‌ڵ جوانه‌ ساڵيگ وه‌رجه‌ رميان ريم سه‌دام په‌يا بويه‌و باوگى ناو سه‌ركرده‌ى ريكخرياگ ئه‌لقاعيده‌ ئه‌راى هه‌ڵوژانگه‌ و هه‌ر له‌وه‌ر ناوه‌گه‌يشى نيمه‌ى ته‌مه‌نى له‌ ماڵ ناته‌سه‌ ده‌يشت له‌ترس كوشيان و له‌ى دوياخره‌ بڕيار دريا ناوى له‌ بن لادن ئاڵشت بكريه‌ێد دوياى ره‌زامه‌نى ئه‌عره‌جى له‌بان ئاڵشتكردنى، وه‌لێ وه‌رجه‌ ئالشتكردنى له‌ڕى نه‌تڵه‌ێ كاره‌باوه‌ گيان له‌ده‌سدا.