هــــه‌واڵ عــیراق
بانك ئه‌لڕه‌شيد قه‌زر ئه‌را ماڵ سه‌ندن ئه‌ياده‌ هاووڵاتيه‌يل

بانك ئه‌لڕه‌شيد قه‌زر ئه‌را ماڵ سه‌ندن ئه‌ياده‌ هاووڵاتيه‌يل


شه‌فه‌ق نيوز/ بانك ئه‌لڕه‌شيد ده‌شپيشخه‌رييگ كردگه‌ ئه‌را داين قه‌رز وه‌و هاووڵاتيه‌يل ك ئه‌خوازن يه‌كه‌~ێ نيشته‌جيبوين له‌ كۆمه‌ڵگه‌ى به‌سمايه‌ بسينن و جه‌خت له‌ويش كرد ك بانكه‌گه‌ وه‌رده‌وامه‌ له‌ داين سلفه‌ وه‌ گشت هاووڵاتيه‌يل.

 

له‌ى باوه‌ته‌و، رووژنامه‌ى فه‌رمى ئه‌لسه‌باح له‌ زووان نوسينگه‌ى ره‌سانن بانكه‌گه‌ وت: بانك ئه‌لڕه‌شيد وه‌ به‌شدارييگ ئه‌را كه‌مه‌وكردن قه‌يران نيشته‌جيبوين و وه‌ ريككه‌فتن وه‌ل ده‌سه‌ێ وه‌به‌رهاوردن، ده‌سپيشخه‌رييگ كردگه‌ ئه‌را داين قه‌رز ئه‌را ئه‌وانه‌گ مه‌يل سه‌ندن يه‌كه‌ى نيشته‌جى ديرن له‌ كۆمه‌ڵگه‌ى به‌سمايه‌.

 

جى باسه‌، نويسينگه‌ى بانكه‌گه‌ باس له‌وه‌يش كردگه‌ ك ريژه‌ى ئه‌و قه‌رزه‌ ئه‌ڕه‌سێده‌ 80 له‌سه‌د له‌ نرخ يه‌كه‌ى نيشته‌جيه‌گه‌ وه‌ل وه‌رده‌وامبوين له‌ داين قه‌رز ئه‌را پرووژه‌يل بويچگيش ئه‌را به‌شدارى له‌ هانداين كه‌رت تايبه‌ت و كه‌مه‌وكردن بيكارى و يه‌يش ده‌رخست و وت: ئه‌و قه‌رزه‌ ك ئه‌دريه‌ێده‌ هاووڵاتيه‌يل ها ناونى 2 تا 30 مليۆن دينار وه‌ گووره‌ى شيواز پرووژه‌ ئابووريه‌گه‌ێ.