هــــه‌واڵ عــیراق
پارتى: كوتله‌يل شيعه‌ قه‌وڵه‌يليان وه‌جێ ناوردن و به‌شداريمان په‌يوه‌سه‌ وه‌ مه‌سه‌له‌يگ

پارتى: كوتله‌يل شيعه‌ قه‌وڵه‌يليان وه‌جێ ناوردن و به‌شداريمان په‌يوه‌سه‌ وه‌ مه‌سه‌له‌يگ


شه‌فه‌ق نيوز/ ماجد شه‌نگاڵى ئه‌ندام له‌بان پارت ديموكرات كوردستان، كوتله‌يل سياسى شيعه‌ تومه‌تبار وه‌ ئه‌وه‌ كرد قه‌وڵه‌يليان وه‌جى ناوردنه‌ ئه‌را سه‌رۆك وه‌زيره‌يل راسپارياێ عادل عه‌بدولمهدى.

 

عه‌ره‌بى ئه‌لجديد له‌ زووان شه‌نگاڵى وت: كوتله‌يل شيعه‌ى جوور سائرون و فه‌تح و ده‌وڵه‌ت ياسا ك پشتگيرى عه‌بدولمهدى كردن، ئمڕوو له‌ قه‌وڵه‌يليان خوه‌يان كيشانه‌سه‌و له‌ وه‌رانوه‌ر وه‌ده‌سهاوردن به‌رژه‌وه‌نديه‌يل تايبه‌تيان.

 

شه‌نگاڵى وت: بڕيار به‌شداريمان جوور پارت ديموكرات له‌ حكومه‌ت عه‌بدولمهدى په‌يوه‌سه‌ وه‌ بڕيار سه‌ركردايه‌تى پارته‌گه‌و باس له‌وه‌يش كرد عه‌بدولمهدى تائيسه‌ به‌رنامه‌ حكوميه‌گه‌ى پيشكه‌ش نه‌كردگه‌ ك بايه‌سه‌ وه‌رجه‌ ئه‌ختيار كابينه‌ وه‌زاريه‌گه‌ێ پيشكه‌شى بكا.