هــــه‌واڵ جیــهانى
داعشييگ فره‌نسى له‌وه‌ر ده‌سدريژێ له‌بان شيعه‌ زيندانى كريا

داعشييگ فره‌نسى له‌وه‌ر ده‌سدريژێ له‌بان شيعه‌ زيندانى كريا


شه‌فه‌ق نيوز/ دادگاى تاوانه‌يل له‌ پاريس حوكم زيندانيكردن 10 ساڵ له‌بان فره‌نسييگ 27 ساڵان دا، دوياى ئدانه‌كردنى وه‌ ده‌سدريژى ته‌قاننه‌وه‌ى خوه‌يكوشيگ ك تايفه‌ى شيعه‌ گرته‌سه‌ ئامانج له‌ لوبنان له‌وه‌ر به‌رژه‌وه‌ندى ريكخرياگ داعش.

 

له‌ى باوه‌ته‌و نوێنه‌رايه‌تى گشتى له‌ به‌ياننامه‌يگ وت: محه‌مه‌د ره‌زا ئۆهرانى له‌ساڵ 2014 له‌ ده‌ورگرد پاريس ده‌سگير كرياو برياسه‌ وه‌رده‌م دادگا وه‌ تومه‌ت كاركردن وه‌ل تونڕه‌وه‌يل ئه‌را ئه‌نجامداين كرده‌وه‌يل تيرۆريستى.

 

ئۆهرانى له‌ 2014 روێ له‌ سوريا كردگه‌ ئه‌را په‌يوه‌نديكردن وه‌ رزه‌يل ريخرياگ داعش له‌ عراق و شام، ك به‌شدارى له‌ مه‌شقه‌يل سه‌ربازييش كردگه وه‌تايه‌به‌ت ‌ له‌ ده‌سدريژێ ئايينى و بيجگه‌ به‌شداريكردنى له‌ چالاكيه‌يل ئه‌و ريكخرياگ و دوياخريش روێ له‌ لوبنان كردگه‌ ئه‌را ئه‌نجامداين تاوان دژ شيعه‌ى ئه‌و وڵاته‌.